मजूरांसह गरजूंना मदतीचे वाटप

खर्डे : कोरोनाच्या संकटात लॉकडाऊन सुरु असल्यामुळे मोलमजुरी करून पोटाची खळगी भरणाऱ्या मजुरांपुढे जगायचे कसे असे मोठे संकट आहे. अशा कुटुंबांना मदत करण्यासाठी येथील आमदार डॉ.राहुल आहेर व भाजपा नाशिक ग्रामीण जिल्हाध्यक्ष केदा आहेर यांच्या उपस्थितीत कसमादे परिसर विकास मंडळ विठेवाडी (लो) ता.देवळा यांच्याकडून किराणा साहित्याचे वाटप करण्यात आले. खर्डे खोºयातील वार्शी व परिसरातील गरीब व गरजू कुटुंबांना डाळ, गहू, कडधान्य, तेल, मीठ अशा किराणा साहित्याचे वाटप करण्यात आले. यावेळी संस्थेचे चिटणीस कृष्णा बच्छाव, भाजप तालुकाध्यक्ष किशोर चव्हाण, उपनगराध्यक्ष अतुल पवार, दिनकर देवरे , हेमराज सोनवणे, तुषार गुंजाळ, सरपंच बळीराम वाघ , परशराम पवार, बापू पवार, विजय सोनवणे, डी. एम .आहेर, प्रशांत पवार, राजू बागुल, बापू देवरे उपस्थित होते.  भावडे येथील एसकेडी फाउंडेशनच्या वतीने कुटुबांना राशन ऊपलब्ध करून दिले. वाखारी पिपळगाव, खडकतळे वस्ती, मेशी, डोंगरगांव अशा गावातील गरजू आणि निराधार कुटुंबांना अत्यावश्यक राशन वाटप करण्यात आले. यावेळी प्राचार्य सुनील पाटील, वाघ , कैलास सागर, बबलू देवरे, किशोर चव्हाण, संभाजी आहेर आदि उपस्थित होते.