नाशिक : शहर परिसरातील विविध पोलीस ठाण्यांच्या हद्दीतील निर्जन स्थळे रामभरोसे असून दिवसेंदिवस ही ठिकाणे गुन्हेगारांचे अड्डे बनत चालले आहेत. कोरोनाचे निर्बंध शिथिल झाल्यानंतर निर्जनस्थळांवर मद्यपींच्या ओल्या पार्ट्या वाढल्या आहेत. टवाळखोरांकडूनही अशा निर्जनस्थळांचा शोध घेत आश्रय घेत महिला, मुलींची छेड काढण्याचा प्रयत्न केला जात असून पोलिसांकडून अशा निर्जनस्थळांकडे मात्र कानाडोळा केला जात असल्याचे बोलले जात आहे. शहरातील पंचवटी, म्हसरुळ, आडगाव, इंदिरानगर, उपनगर, गंगापूररोड, देवळाली कॅम्प या पोलीस ठाण्यांच्या हद्दीत निर्जनस्थळांची संख्या अधिक आहे. या पोलीस ठाण्यांची हद्द लक्षात घेता नव्याने विकसित होणाऱ्या कॉलन्यांचा परिसर तसेच मोकळे भूखंड अधिक आहेत. पडीक इमारतींची संख्याही धोकादायक ठरत असून या ठिकाणी गुन्हेगारांचा वावर दिवसेंदिवस वाढतच चालल्याचे नागरिकांचे म्हणणे आहे. संबंधित पोलीस ठाण्यांकडून अशा निर्जनस्थळांवर गस्तीदरम्यान फिरणे गरजेचे असताना मात्र अनेकदा ही स्थळे टाळली जातात.
---इन्फो-- ही ठिकाणे धोक्याचीच... गांधीनगरच्या पडक्या इमारती
उपनगर पोलीस ठाणे हद्दीतील गांधीनगर येथील पडक्या शासकीय इमारतींचा परिसर हा गुन्हेगारांचा अड्डा बनला आहे. येथील भग्नावस्थेत असलेल्या शासकीय वसाहतींचे अवशेष मद्यपी, जुगाऱ्यांसह नशेबाजांचा ठिकाणा बनला आहे. या वसाहतीजवळच गांधीनगर भाजीबाजार भरतो. तसेच शाळा, टपाल कार्यालय, क्रीडांगणदेखील याच परिसरात आहे.
--- मेरीच्या भग्न इमारती
मेरी परिसरात असलेल्या शासकीय वसाहतीला अवकळा आली असून जवळच झोपडपट्टी असल्याने येथील पडक्या भग्नावस्थेतील इमारतींमध्ये गुन्हेगार नेहमीच आश्रयाला असतात. पोलिसांना मात्र या वसाहतींच्या परिसरात पेट्रोलिंग करण्यास फारसे महत्त्वाचे वाटत नाही.
--- वालदेवीचा नदीकाठ
देवळालीगाव-विहीतगाव परिसरातील वालदेवी नदीचा काठावरील स्मशानभूमी, रोकडोबावाडीकडे जाणारा पूल तसेच वीटभट्टी भागातील भाजीबाजाराचा तळ परिसरात टवाळखोर, मद्यपी, जुगाऱ्यांचा सतत वावर असतो. या निर्जन भागाकडे पोलिसांनी गस्त वाढविण्याची मागणी होत आहे.
---
रिंगरोडचा परिसर
उपनगर पोलीस ठाणे हद्दीतील टाकळीला जोडणारा समर्थ रामदास स्वामी मार्ग, मुंबईनाका पोलीस ठाणे हद्दीतील श्री श्री रविशंकर मार्ग, जेजुरकर मळ्यामार्गे जाणारा रिंगरोड परिसरातदेखील रात्रीच्यावेळी टवाळखोर, मद्यपींचा वावर पाहावयास मिळतो. गुन्हेगार प्रवृत्तीचे टारगट या भागात रिक्षा, चारचाकी वाहने आणून दबा धरून असतात.
--
महिला अत्याचाराच्या घटना अशा
वर्ष - विनयभंग -- बलात्कार
२०२०- १४६-- - --- ४४ २०२१- ६२----- ---५६
--- २०१८--- अपहरण- १८२ २०१९--- अपहरण- १९९ २०२०-- अपहरण- १६३ २०२१- अपहरण- ८२
160921\562516nsk_35_16092021_13.jpg
निर्जन स्थळ बनले गुन्हेगारांचे अड्डे