भारतनगरमधील अवैध मद्यविक्री बंदची मागणी

भारतनगरमधील अवैध मद्यविक्री बंदची मागणी

इंदिरानगर : भारतनगरमध्ये सुरू असलेल्या अवैध मद्यविक्रीमुळे परिसरात नेहमीच हाणामाऱ्या आणि तंटे होत असल्याने येथील मद्यविक्रीची दुकाने बंद करण्याची मागणी स्थानिक नागरिकांनी इंदिरानगर पोलीस ठाण्याकडे निवेदनाद्वारे केली आहे़इंदिरानगर परिसरातील भारतनगर, शिवाजीवाडी व नंदिनीनगर हा झोपडपट्टी व म्हाडाची वसाहत असलेला परिसर असून, यामध्ये सुमारे दोन ते तीन हजार लोकवस्ती आहे़ तसेच कष्टकरी व मोलमजुरी करणाऱ्यांची वस्ती अशी या परिसराची ओळख आहे़ मात्र दिवसेंदिवस या परिसरात अवैध धंदे वाढत चालले असून, अवैध मद्यविक्री, जुगार जोमाने सुरू आहे़ परिसरातील मद्यव्रिकी दुकानदार, स्थानिक रहिवासी व मद्यपी यांच्यामध्ये नेहमीच भांडणे होऊन हाणामारीच्या घटनाही घडतात़