कारच्या धडकेत एकाचा मृत्यू

सिन्नर : येथील वावीवेस परिसरात भरधाव कारच्या धडकेत एकाचा मृत्यू झाल्याची घटना घडली. सुधाकर कांंडेकर (रा. बारागाव पिंप्री) हे कृषी उत्पन्न बाजार समितीच्या प्रवेशद्वारासमोर उभे असताना वावी वेशीच्या बाजूने आलेल्या कारने त्यांना धडक दिली. या अपघातात गंभीर जखमी झालेल्या कांडेकर यांचा मृत्यू झाला. या प्रकरणी सिन्नर पोलीस ठाण्यात अपघाती मृत्यूची नोंद करण्यात आली आहे. दरम्यान, दुसऱ्या एका घटनेत सिन्नर तालुक्यातील पांढुर्ली येथे युवकाने गळफास घेवून आत्महत्या केल्याची घटना सोमवारी सायंकाळी साडेसात वाजेच्या सुमारास घडकीस आली. समाधान रंगनाथ जाधव (१९) ैअसे मृत युवकाचे नाव आहे. त्याने राहत्या घरात सोमवारी (दि. ८) रोजी सायंकाळी साडेसातच्या सुमारास गळफास घेवून आत्महत्या केली. मोलमजूरी करुन जीवन जगणाºया या युवकाच्या आत्महत्येचे नेमके कारण समजू शकले नाही. सिन्नर नगरपरिषदेच्या रुग्णालयात शवविच्छेदन करण्यात आले. याप्रकरणी सिन्नर पोलीस ठाण्यात आकस्मिक मृत्यूची नोंद करण्यात आली आहे. सहाय्यक पोलीस उपनिरीक्षक गणेश परदेशी अधिक तपास करीत आहेत.