ठळक मुद्दे १८ वर्षांवरील युवकांनीही गर्दी केली
मुखेड : येथील आरोग्य केंद्रात गुरुवारी नागरिकांनी लसीकरणासाठी मोठ्या प्रमाणात गर्दी केली होती. मोजक्या लस शिल्लक असल्याने अनेक नागरिकांचा हिरमोड झाला. प्राथमिक आरोग्य केंद्राचे वैद्यकीय अधिकारी जाधव व बाविस्कर यांनी व्हॉट्स ॲप ग्रुपच्या माध्यमातून ४५ वर्षे वयाच्या नागरिकांनीच लसीकरणासाठी उपस्थित राहावे, असे कळविले होते. परंतु, तेथे १८ वर्षांवरील युवकांनीही गर्दी केली होती. मुखेड व परिसरातील सत्यगाव, महालखेडे ,मानोरी, देशमाने, भिंगारे आदी गावांतील नागरिक लसीकरणासाठी उपस्थित होते. लसींचे दोनशेच डोस उपलब्ध होते. तुलनेने गर्दी जास्त असल्याने अनेक नागरिकांना लस न घेताच घरी परतावे लागले.