जिल्ह्यात नगराध्यक्ष, उपनगराध्यक्षांची निवड

जिल्ह्यातील कळवण, देवळा, चांदवड, पेठ आणि सुरगाणा या पाच नगरपंचायतींच्या नगराध्यक्ष आणि उपनगराध्यक्षांची निवड गुरूवारी (दि. ३०) करण्यात आली.

नाशिक : जिल्ह्यातील कळवण, देवळा, चांदवड, पेठ आणि सुरगाणा या पाच नगरपंचायतींच्या नगराध्यक्ष आणि उपनगराध्यक्षांची निवड गुरूवारी (दि. ३०) करण्यात आली.  कळवण येथील नगराध्यक्षपदी राष्ट्रवादी कॉँग्रेस आघाडीचे काँग्रेसचे नगरसेवक मयूर बहिरम यांची निवड झाली. देवळा विकास आघाडीच्या विद्यमान नगराध्यक्षा ज्योत्स्ना संजय अहेर यांची नगराध्यक्ष म्हणून घोषणा करण्यात आली. चांदवड नगराध्यक्षपदासाठी कॉँग्रेसच्या रेखा रविकांत गवळी यांची बिनविरोध निवड झाली.  पेठ नगरपंचायतीच्या नगराध्यक्षपदी शिवसेनेचे मनोज घोंगे यांची बिनविरोध निवड घोषीत करण्यात आली. सुरगाणा नगराध्यक्षपदी माकपच्या सोनाली बागुल विराजमान झाल्या.