हवाई दलाच्या कारवाईचा नाशकातल्या राष्ट्रप्रेमी युवकांकडून आनंदोत्सव साजरा

 नाशिक रोडला भारतीय वायुसेनेने पकिस्तानवर केलेल्या दहशतवादी विरोधी कारवाईचा राष्ट्रप्रेमी युवकांकडून आनंदोत्सव साजरा करण्यात आला आहे. 

नाशिकः नाशिक रोडला भारतीय वायुसेनेने पकिस्तानवर केलेल्या दहशतवादी विरोधी कारवाईचा राष्ट्रप्रेमी युवकांकडून आनंदोत्सव साजरा करण्यात आला आहे.  कारवाईची बातमी येताच नाशिक रोडमधील युवक सोशल मीडियावर निरोप देत नाशिक रोड बिटको चौकात जमा झाले. फटाके फोडून व ढोल तश्याच्या गजरात उपस्थितांना पेढे भरवून आनंदोत्सव साजरा करण्यात आला. उपस्थित पोलीस अधिकारी-कर्मचारी, सेनेतील जवान व उपस्थित नागरिकांचे तोंड गोड करण्यात आले. चौकात घोषणाबाजीही केली गेली. तरुणांनी हातात तिरंगा घेऊन 'भारत माता की जय' 'वंदे मातरम' 'हिंदुस्तान जिंदाबाद' 'पाकिस्तान मुर्दाबाद' 'भारतीय सेना जिंदाबाद' ह्या घोषणांनी परिसर दुमदुमून निघाला.या प्रसंगी अक्षय एडके, राम कदम, शुभम कौटकर, गौरव विसपुते, गोपाल लाल, अजिंक्य सावंत, संग्राम फडके, सागर गायकवाड, शाम जाचक, शिरीष कावळे, वैभव शिरसाठ, केविन संचेती, वीरेंद्र महाले, आदित्य दंदणे, नारायण डहाळे, विशाल लाले, ऋषिकेश घोडके, राहुल टिळे, गौरव पाटील यांच्यासह मोठ्या संख्येने तरुण उपस्थित होते.