शहरं
Join us  
Trending Stories
1
"तीनवेळा 'अल्लाहू अकबर' ओरडून गोळीबार सुरू झाला"; व्हायरल व्हिडीओमधल्या व्यक्तीचा खुलासा
2
नो मॅजिक! क्रिकेटच्या देवाने सांगितले १४ वर्षाच्या पोराच्या वादळी शतकी खेळीत दडलेले 'लॉजिक'
3
पाकिस्तानवर मोठा प्रहार करा! पहलगाम हल्ल्यानंतर जगभरातील भारतीयांची निषेध आंदोलने
4
Vaibhav Suryavanshi : १४ वर्षांच्या पोराचा धुमाकूळ! सिक्सर मारत ठोकली IPL मधील विक्रमी सेंच्युरी
5
विद्यार्थ्यांच्या मनामनात रुजणार भारतीय संविधानाची मूल्ये; नागपूर विद्यापीठाने तयार केला अभ्यासक्रम
6
आनंदाच्या भरात पायाला लागलंय ते विसरला! वैभवच्या शतकी खेळीला द्रविडनं अशी दिली दाद (VIDEO)
7
वेटिंगवाल्या प्रवाशांचा चक्क लिनन बॉक्समधून प्रवास! रेल्वे पोलिसांनी सहा जणांना केली अटक
8
IPL 2025 : वैभव सूर्यंवशीच्या ऐतिहासिक खेळीच्या जोरावर २०० पारच्या लढाईत राजस्थानचा 'रॉयल' विजय
9
विविध रेल्वे गाड्यांमधून दारूच्या एकूण १० हजार बाटल्या जप्त! मद्य तस्करीविरोधात मोठी कारवाई
10
लातूर जिल्ह्यातील हाडोळती येथे युवकाच्या खून प्रकरणी न्यायालयाकडून दाेघांना पोलीस काेठडी
11
नागरिकत्व पाकिस्तानी, मात्र 'दिल हिंदुस्थानी'! उल्हासनगरात २५० जण 'भारतीय' होण्याच्या प्रतीक्षेत
12
'भारतीय सैन्य कधीही हल्ला करू शकते...', पाकिस्तानी संरक्षण मंत्र्याने व्यक्त केली भीती
13
बोगस डॉक्टरांविरोधात प्रशासनाने कसली कंबर; तालुकापातळीवरही समिती सक्षम होणार!
14
जिल्हा पोलिस दलातील सांगलीच्या सहा जणांना महासंचालक सन्मानचिन्ह; १ मे रोजी प्रदान सोहळा
15
हिवराच्या शेंगा खाल्ल्याने २६ मेंढ्यांचा मृत्यू; साताऱ्याजवळील फलटण तालुक्यातील घटना
16
RR vs GT : गिलचा कॅच सुटल्यावर बहिणीने मानले देवाचे आभार; तिची रिॲक्शन होतीये व्हायरल
17
पहलगाम हल्ल्याचा नवीन व्हिडिओ समोर; पर्यटकाच्या कॅमेऱ्यात कैद झाली संपूर्ण घटना, पाहा...
18
Padma Awards: क्रिकेटपटू आर अश्विनला पद्मश्री, हॉकीपटू श्रीजेशला पद्मभूषण; येथे पाहा संपूर्ण यादी!
19
पावसाळ्याआधी मृदा व जलसंधारणाविषयी मुख्यमंत्री देवेंद्र फडणवीसांनी घेतला 'हा' महत्त्वाचा निर्णय
20
'शरिया कोर्ट', 'कोर्ट ऑफ काजी'ला कायदेशीर मान्यता नाही; त्यांचे निर्देश बंधनकारक नाहीत: सर्वोच्च न्यायालय

योजना गुंडाळण्याचा ठराव रद्द करण्यासाठी ठिय्या

By admin | Updated: September 8, 2015 22:45 IST

सटाणा : पुनंद धरणावर आरक्षण नसताना केली तीनशे दशलक्ष घनफूट मंजुरीची नोंद

सटाणा : कळवण तालुक्यातील पुनंद धरणामधून सटाणा शहरासाठी तीनशे दशलक्ष घनफूट पाणी आरक्षणाचा प्रस्ताव मंजूर झाल्याची खोटी नोंद करून शहरासाठी संजीवनी ठरणारी केळझर पाणीपुरवठा ही महत्त्वाकांक्षी योजना गुंडाळण्याचा ठराव नुकताच पालिका प्रशासनाने जीवन प्राधिकरण विभागाकडे पाठविला असल्याचा गंभीर प्रकार उघडकीस आल्याने शहरवासीयांमध्ये संतापाची लाट उसळली आहे. मंगळवारी संतप्त शहरवासीयांनी हा ठराव तत्काळ रद्द करावा या मागणीसाठी पालिकेच्या प्रवेशद्वाराजवळ दोन तास ठिय्या दिला.सटाणा शहरातील पाण्याची गंभीर परिस्थिती पाहता व राजकीय विरोधामुळे शहरासाठी संजीवनी ठरलेल्या केळझर पाणीपुरवठा योजनेला लागलेला ब्रेक यामुळे आमदार दीपिका चव्हाण यांनी सटाणा शहरासाठी पुनंद धरणामधून पाणीपुरवठा योजनेला मंजुरी मिळावी, अशी मागणी महाराष्ट्र जीवन प्राधिकरण विभागाकडे केली होती. मात्र संबंधित विभागाने केळझर योजना बंद केल्याशिवाय पुनंदचे पाणी मिळणार नाही, असा जावईशोध लावून पालिकेने तसा ठराव सादर करावा, असा लेखी खुलासा प्राधिकरणाने आमदार चव्हाण यांना दिला होता. त्यानुसार सत्ताधारी गटातील काही नगरसेवकांनी वेळोवेळी झालेल्या सर्वसाधारण सभेत ठराव मांडण्याचाही प्रयत्न केला. परंतु सत्ताधारी गटातील माजी नगराध्यक्ष व ज्येष्ठ नगरसेवक बाळासाहेब सोनवणे, विरोधी पक्षनेते साहेबराव सोनवणे, मनोज सोनवणे यांनी ही महत्त्वाकांक्षी योजना गुंडाळण्याच्या ठरावास विरोध करून सत्ताधारी गटाचे मनसुभे उधळून लावले. दरम्यान, नुकत्याच झालेल्या पालिकेच्या सर्वसाधारण सभेत बाळासाहेब सोनवणे, साहेबराव सोनवणे यांनी तालुक्यातील हक्काचे पाणी मिळणे अवघड होत असताना दुसऱ्या तालुक्यातून पाणी मिळणे अशक्य असल्याचे स्पष्ट करून ठरावास तीव्र विरोध केला. मात्र सत्ताधाऱ्यांनी त्याचा विरोध नोंदवून ठराव मंजूर करून घेऊन पालिकेला सादर केला. परंतु जीवन प्राधिकरण विभागाकडे सादर केलेल्या ठरावात चक्क पुनंद धरणामधून सटाणा शहरासाठी एक थेंबही पाण्याचे आरक्षण नसताना तब्बल तीनशे दशलक्ष घनफूट पाणी आरक्षणाचा प्रस्ताव शासनाने मंजूर केला असल्याची खोटी नोंद करून योजना बंद करण्याचा ठराव सादर करण्यात आल्याचा खळबळजनक प्रकार उघडकीस आल्याने संतप्त नगरसेवकांनी शुक्रवारी जिल्हाधिकाऱ्यांची भेट घेऊन या ठरावाला तीव्र विरोध करून रद्द करण्यासाठी अपिल अर्ज सादर केला. या अर्जावर सत्ताधारी गटाचे बाळासाहेब सोनवणे, मंदाकिनी सोनवणे, सुमनबाई सोनवणे, सुशीलाबाई रौंदळ, अनिल कुवर, रमण छाजेड या सत्ताधारी नगरसेवकांसह विरोधी गटाचे साहेबराव सोनवणे, मनोज सोनवणे, सिंधूबाई सोनवणे, नलिनी सोनवणे, उज्ज्वला सोनवणे, मुन्ना रब्बानी अशा बारा नगरसेवकांनी सह्या करून योजना गुंडाळण्याचा सत्ताधाऱ्यांचा डाव हाणून पाडण्यासाठी सरसावले. मंगळवारी सकाळी साडेदहा वाजेपासून पालिकेच्या प्रवेशद्वारासमोरच शहरवासीयांनी ठिय्या आंदोलन सुरू केले. यावेळी माजी नगरसेवक अरविंद सोनवणे यांनी सध्या शहरवासीयांना दहा दिवसाआडदेखील पाणी मिळत नसताना हक्काची योजना साठ टक्के पूर्ण होऊनही सत्ताधारी नगरसेवकांनी योजना बंद करण्याचे गौडबंगाल काय, असा सवाल उपस्थित केला. पालिकेचे माजी विरोधी पक्षनेते व कॉँग्रेसचे शहराध्यक्ष किशोर कदम यांनी शहरासाठी संजीवनी ठरणारी ही योजना बंद करण्याचा अट्टहास का, असा सवाल केला . जिल्हा परिषदेचे माजी सभापती यशवंत पाटील, लालचंद सोनवणे, देवेंद्र जाधव, अनिल सोनवणे, दिलीप येवला आदिंनी आपले मनोगत व्यक्त केले. यावेळी केळझर पाणीपुरवठा योजना पूर्णत्वास नेण्यासाठी आगामी काळात व्यापक स्वरूपाचे आंदोलन उभारण्यात येईल, असे स्पष्ट करून पालिकेने ही योजना बंद करण्याचा ठराव जोपर्यंत मागे घेतला जात नाही तोपर्यंत आंदोलन मागे घेणार नाही अशी भूमिका यावेळी घेतल्याने नगराध्यक्षा सुलोचना चव्हाण, गटनेते बाळासाहेब रौंदळ व काही सत्ताधारी नगरसेवकांनी आंदोलनकर्त्यांना सामोरे जाऊन योजना बंद करण्याचा ठराव पुढील सर्वसाधारण सभेत रद्द करण्याचे आश्वासन दिल्यानंतर आंदोलन मागे घेण्यात आले. आंदोलनात माजी नगरसेवक सुनील मोरे, श्यामकांत मराठे, दत्तू सोनवणे, अशोक सोनवणे, रामदास सोनवणे, सुभाष नंदन, शरद शेवाळे, मुन्ना सोनवणे, संदीप देवरे, श्रीधर कोठावदे, अण्णा अहिरे, जिभाऊ सोनवणे, पंकज सोनवणे, आदि सहभागी झाले होते. (वार्ताहर)