इंदिरानगर : वडाळा-पाथर्डी रस्त्यालगत असलेल्या श्रद्धाविहार कॉलनीतील एका अपार्टमेंटमध्ये चोरट्यांनी भरदिवसा वीस मिनिटांच्या अंतरात घरफोडी करून दोन लाखांचा ऐवज चोरून नेल्याची घटना घडली़ सोनसाखळी चोºयांचा तपास लागलेला नसतानाच वाढत्या घरफोड्यांनी नागरिक त्रस्त झाले असून, पोलिसांच्या कार्यक्षमतेवर प्रश्नचिन्ह उपस्थित केले जात आहे़श्रीकृष्ण विहारमधील रहिवासी महेश वसुदेव ब्राह्मणकर हे राहतात़ सकाळी बाहेरून परतल्यानंतर ते तिघे जिना उतरत होते़ यानंतर घराच्या दरवाजाजवळ ते पोहोचले असता घराचा दरवाजा उघडा दिसला़ घरात गेल्यानंतर बेडरूमच्या कपाटातील सोन्याचे मंगळसूत्र, सोन्याची पोत, चेन, अंगठ्या व रोख पाच हजार रुपयांची रोकड असा एकूण एक लाख ४५हजार रुपयांचा ऐवज चोरी गेल्याचे आढळून आले़ ब्राह्मणकर यांनी आपले शेजारी जगदीश देवरे यांच्या फ्लॅटच्या दरवाजाची चौकट उचकटलेली दिसली़ त्यांनी देवरे यांना फोन करून सांगितले असता ते घरी आले़ त्यांनी घराची तपासणी केली असता चोरट्यांनी त्यांच्या घरातील सोन्याच्या दोन अंगठ्या, दोन बांगड्या, मंगळसूत्र असा सुमारे छत्तीस हजार रुपयांचा ऐवज चोरून नेल्याचे उघडकीस आले़ चोरट्यांनी दोन लाखांचा ऐवज चोरून नेला़ याप्रकरणी ब्राह्मणकर यांच्या फिर्यादीवरून घरफोडीचा गुन्हा दाखल करण्यात आला असून, याच परिसरात आणखी दोन घरफोड्या झाल्या.
इंदिरानगला भरदिवसा दोन घरफोड्या
By लोकमत न्यूज नेटवर्क | Updated: October 13, 2017 00:32 IST