विद्यार्थ्यांच्या मदतीने शहराचे सुशोभीकरण

नाशिक : महापालिकेच्या घनकचरा व्यवस्थापन विभागामार्फत रविवारी (दि.२१) शहराच्या सौंदर्यात भर टाकण्यासाठी जिल्हाधिकारी कार्यालयासमोरील शासकीय माध्यमिक कन्या विद्यालयाच्या भिंती‌‌वर नाशिकचा सांस्कृतिक, ऐतिहासिक व सामाजिक वारसा दर्शविणारी चित्र रंगविण्यात आली.

नाशिक महानगरपालिकेच्या घनकचरा विभागामार्फत संचालक डाॅ.कल्पना कुटे यांच्या हस्ते या उपक्रमाचे उद्घाटन करण्यात आले असून, या उपक्रमांतर्गत कन्या शाळेच्या संरक्षक भिंतींवर चित्र रेखाटून सुशोभीकरण करण्यात आले. ‘स्वच्छ सर्वेक्षण २०२१’ नाशिक यात स्वच्छता मोहीम राबवितानाच स्वच्छतेसोबतच नाशिक शहर सुंदर व सुशोभित करण्यासाठी वाॅल पेंटिंगचा उपक्रम या माध्यमातून राबविण्यात येत आहे. यात शासकीय माध्यमिक कन्या विद्यालय भिंतीवर पेंटिंग करून स्वच्छतेबरोबर सुंदर नाशिक शहर बनविण्यासाठी विविध स्पर्धा घेण्यात येत असून, महाविद्यालयीन विद्यार्थी यात उत्स्फूर्तपणे सहभाग घेत आहे. त्याचप्रमाणे, महापालिकेच्या घनकचरा व्यवस्थापन विभागाचे ‘स्वच्छ भारत मिशन’चे पथकही या उपक्रमात सहभागी असून, विद्यार्थ्यांच्या अंतर्गत कलागुणांना वाव देतानाच शहरचे सुशोभीकरणही या माध्यमातून करण्यात येत आहे.

===Photopath===

210221\21nsk_24_21022021_13.jpg

===Caption===

शहर  शुशोभीकरणासाठी कन्या शाळेच्या भिंती रंगविताना विद्यार्थी