झोडगेत जुगार अड्ड्यावर कृषिमंत्र्यांनी टाकली धाड

झोडगे : येथे काही कार्यक्रमासाठी आलेल्या कृषिमंत्री दादा भुसे यांच्याकडे स्थानिक नागरिकांनी तक्रार केल्याने त्यांनी पोलिसांच्या मदतीने जुगार अड्ड्यावर छापा टाकला. याबाबत तालुका पोलिसात गुन्हा दाखल करण्यात आला.

ठळक मुद्दे पोलिसांच्या मदतीने जुगार अड्ड्यावर छापा टाकला.

झोडगे : येथे काही कार्यक्रमासाठी आलेल्या कृषिमंत्री दादा भुसे यांच्याकडे स्थानिक नागरिकांनी तक्रार केल्याने त्यांनी पोलिसांच्या मदतीने जुगार अड्ड्यावर छापा टाकला. याबाबत तालुका पोलिसात गुन्हा दाखल करण्यात आला.झोडगे येथे गेल्या दोन महिन्यापासून जुगार अड्डा सुरू असल्याने ग्रामस्थात संताप व्यक्त होत होता. महिलावर्गही जुगार अड्ड्यामुळे वैतागला होता. अनेक तरुण जुगार खेळू लागल्याने पालकातही चिंता व्यक्त करण्यात येत होती. अल्पावधीच हजारो रुपयांची उलाढाल होत होती. तालुका पोलीस ठाण्यापासून काही अंतरावर असलेल्या जुगार अड्ड्याकडे पोलीस दुर्लक्ष करीत असल्याचा ग्रामस्थांचा आरोप होता. गावात कृषिमंत्री दादा भुसे आल्याची संधी साधून ग्रामस्थांनी आपली कैफियत त्यांच्यापुढे मांडली आणि तात्काळ भुसे यांनी स्थानिक पोलिसांच्या मदतीने धाड टाकल्याने परिसरात समाधान व्यक्त केल्या गेले.