१९ अनधिकृत धार्मिक स्थळांवर कारवाई

उच्च न्यायालयाच्या आदेशान्वये महापालिकेच्या वतीने सुरू करण्यात आलेल्या रहदारीला अडथळा ठरणाºया अनधिकृत धार्मिक स्थळे हटविण्याच्या मोहिमेचा चौथा दिवस शनिवारी (दि.११) शांततेत पार पडला. दिवसभरात पूर्व विभागातील १९ धार्मिक स्थळे पोलीस बंदोबस्तात हटविण्यात आली.

नाशिक : उच्च न्यायालयाच्या आदेशान्वये महापालिकेच्या वतीने सुरू करण्यात आलेल्या रहदारीला अडथळा ठरणाºया अनधिकृत धार्मिक स्थळे हटविण्याच्या मोहिमेचा चौथा दिवस शनिवारी (दि.११) शांततेत पार पडला. दिवसभरात पूर्व विभागातील १९ धार्मिक स्थळे पोलीस बंदोबस्तात हटविण्यात आली.  वाहतुकीला अडथळा ठरणाºया शहरातील विविध रस्त्यांवरील तसेच रस्त्यांच्या कडेला असलेले अनधिकृत धार्मिक स्थळे हटविण्याचे आदेश उच्च न्यायालयाने दिल्यानंतर महापालिका प्रशासनाने बुधवार (दि.८)पासून आदेशाची अंमलबजावणी सुरू केली. पोलीस आयुक्तालयाच्या वतीने दंगल नियंत्रण पथकासह राज्य राखीव दलाच्या तुकडीचा वाढीव बंदोबस्त या मोहिमेसाठी पुरविण्यात आला आहे. सहायक पोलीस आयुक्तांच्या मार्गदर्शनाखाली संबंधित पोलीस ठाणे हद्दीतील वरिष्ठ पोलीस निरीक्षकांसह पोलिसांचा फौजफाटा महापालिकेच्या अतिक्रमण निर्मूलन विभागाच्या पथकासोबत संरक्षणासाठी देण्यात आलेला होता. मोहिमेला संभाजी चौक, उंटवाडी रस्त्यावरून सकाळी दहा वाजता प्रारंभ करण्यात आला. यानंतर अतिक्रमण निर्मूलन पथक मुंबई नाकामार्गे शिवाजीवाडी, भारतनगर परिसरात पोहचले. वडाळा-पाथर्डी रस्त्यावरील एका धार्मिक स्थळाचा अतिक्रमित बांधकाम हटविल्यानंतर शिवाजीवाडीसमोरील वडाळा रस्त्याच्या मध्यभागी असलेल्या धार्मिक स्थळावर कारवाई करण्यात आली. यानंतर वडाळारोडने पथक पखालरोडवर दाखल झाले. येथील एक लहान धार्मिक स्थळ हटविल्यानंतर पथक काठेगल्लीमार्गे द्वारकेवर पोहचले. दुपारी दोन वाजता द्वारका येथे पथक धडकल्यानंतर पुणे महामार्गावरील नाशिकरोडकडून द्वारकेकडे येणारी वाहतूक काठेगल्ली सिग्नलवरून डावीकडे वळविण्यात आली होती. दुपारी साडेचार वाजेपर्यंत या मार्गावरील वाहतूक पर्यायी मार्गाने सुरू होती. दरम्यान, द्वारके च्या वळणावर डाव्या बाजूला असलेले धार्मिक स्थळ हटविण्यात आले. यावेळी काही काळ गोंधळाची परिस्थिती झाली होती. काही धार्मिक संघटनांच्या पदाधिकाºयांनी घोषणा दिल्याने गोंधळात भर पडली; मात्र सहायक आयुक्त डॉ. राजू भुजबळ वाहतूक शाखेचे सहायक आयुक्त अजय देवरे, वरिष्ठ पोलीस निरीक्षक सुनील नंदवाळकर यांनी संबंधितांना समज दिली. यानंतर विधिवत पूजा पूर्ण झाल्यानंतर धार्मिक स्थळावर पालिकेच्या पथकाकडून कारवाईला प्रारंभ करण्यात आला. दुपारी साडेतीन वाजेपासून कारवाई सुरू झाली. सुमारे दीड ते दोन तासापर्यंत या ठिकाणी काम सुरू होते. ‘त्या’ धार्मिक स्थळाला अवधी वडाळानाका परिसरातील महामार्गाला समांतर असलेल्या रस्त्यावरील एक धार्मिक स्थळ हटविताना धार्मिक परंपरेनुसार विधीकार्य करण्याची मागणी यावेळी जमलेल्या जमावाने केली असता महापालिकेच्या अतिक्रमण निर्मूलन विभागाच्या पथकाने स्वयंस्फूर्तीने सदर धार्मिक स्थळ विधिवत धार्मिक पद्धतीने कार्य पूर्ण करून सोमवारी दुपारी १२ वाजेपर्यंत काढून घ्यावे, असे आदेश पालिकेने दिले आहे. दरम्यान, यावेळी काहीकाळ महापालिका अधिकारी व धार्मिक संस्थेच्या कार्यकर्त्यांमध्ये शाब्दिक वाद झाल्याने गोंधळ निर्माण झाला होता. संध्याकाळी ७ वाजता पथक येथून माघारी फिरले. सर्वेक्षणाच्या यादीत सदर धार्मिक स्थळाचा उल्लेख नसल्याचा दावा यावेळी संबंधितांकडून करण्यात आला; मात्र हा दावा महापालिकेच्या अधिकाºयांनी फेटाळून लावला. थेट जेसीबीच्या पंजावर मजूर द्वारका येथील धार्मिक स्थळ हटविताना मनपाच्या अतिक्रमण निर्मूलन पथकाला सूचना देणाºया संबंधित पालिका कर्मचाºयांनी मजुरांनाच थेट जेसीबीच्या पंजावर चढण्यास सांगितले. तीन मजूर पंजाला लटकले अन् जेसीबीचालकाने पंजा जमिनीपासून वर उचलण्यास सुरुवात केली; मात्र सुरक्षिततेचा गंभीर प्रश्न उद्भवू शकतो अन् अपघात होऊ शकतो हे लक्षात घेऊन तत्काळ पोलिसांनी धाव घेऊन चालकास पंजा खाली करण्याचे आदेश दिले व अनर्थ टळला.   उंटवाडीरोडवरील संभाजी चौक, भारतनगर, शिवाजीवाडी, विनयनगर, हिरवेनगर, काठेगल्ली, द्वारका, कन्नमवार पूल, बजरंगवाडी, फेम सिग्नल, अशोकामार्ग या भागातील विविध धार्मिक स्थळे पालिकेने शनिवारी हटविली. दरम्यान, कन्नमवार पुलाजवळील धार्मिक स्थळ स्वयंस्फूर्तीने काढून घेण्यात आले.