वडाळीभोई शिवारात अपघात; एक ठार, दोन गंभीर जखमी

चांदवड : तालुक्यातील वडाळीभोई शिवारात मुंबई आग्रारोडवर हॉटेल संस्कृती समोर आयशर व टॅक्टर यांच्यात धडक झाल्याने एक जण ठार तर दोन जण गंभीर जखमी झाले. खामखेडे (ता. देवळा) येथून रमेश वामन बोरसे (४५) व किरण संजय शेवाळे (१६) हे ट्रॅकटरमध्ये (क्र. एम.एच.१५/ २३९५)कांदे भरून येत असताना आंबे भरुन जाणाऱ्या आयशर (क्र. यु.पी.२५/ सी.टी. ३९४८) याने धडक दिल्याने अपघातात आयशर चालक मोहमंद फईम जमील अहमद (२२) रा. सकरमढी (ता. हसनपुर उत्तर प्रदेश) गंभीर जखमी झाला. त्यास वडाळीभोई आरोग्य केंद्रात उपचार करुन पिंपळगाव येथील रुग्णालयात दाखल केले तेथे उपचार सुरु असतांना त्याचे निधन झाले तर बोरसे व शेवाळे यांच्यावर पिंपळगाव येथे उपचार सुरु आहेत.ट्रॅक्टरला आयशरची धडक : आंबे, कांद्यांचे नुकसानयावेळी झालेल्या अपघातात टॅक्ट्ररमधील कांदे व आयशर मधील आंबे( कैºया) रस्त्यावर पडून मोठे नुकसान झाले यावेळी रात्रीच्या गस्तीमध्ये वडनेरभैरवचे सहाय्यक पोलीस निरीक्षक गणेश गुरव , सहाय्यक पोलीस उपनिरीक्षक कैलास इंद्रेकर, मच्छिंद्र कराड यांनी घटनास्थळी धाव घेतली व अपघातग्रस्तांना रुग्णालयात आणले . याबाबत वडाळीभोई पोलीस स्टेशनला अपघाताचा गुन्हा दाखल झाला असून अधिक तपास सहाय्यक पोलीस उपनिरीक्षक कैलास इंद्रेकर हे करीत आहेत.