नाशिक : जिल्ह्यात रविवारी (दि. १३) एकूण बाधितांमध्ये २२५ ने वाढ झाली असून ५०० रुग्ण कोरोनामुक्त झाले आहेत. मात्र, दिवसभरात ४ नागरिकांचा मृत्यू झाल्याने बळी गेलेल्यांची संख्या ८८७४ वर पोहोचली आहे.
जिल्ह्यातील उपचारार्थी रुग्णसंख्या घटून ते प्रमाण दीड हजारखाली म्हणजेच १४७२ झाली आहे, तर प्रलंबित अहवालांच्या संख्येतही घट झाली असून ती संख्या ३१४ वर आली आहे. दरम्यान, कोरोना पॉझिटिव्हिटी रेट ३.७७ टक्के असून कोरोनामुक्ततेचे प्रमाण ९७.८२ टक्के आहे.