नाशिक : जिल्ह्यात मंगळवारी (दि.२९) दिवसभरात कोरोनाचे नवीन १३० बाधित आढळून आले. तर १७२ जणांनी कोरोनावर मात केली. जिल्ह्यात मंगळवारी दिवसभरात ४ बळींची नोंद झाली आहे. त्यात महापालिका क्षेत्रात दोन तर ग्रामीण भागातील दोन बळींचा समावेश आहे. याशिवाय नव्याने १३० कोरोना बाधित आढळून आल्याने आरोग्य यंत्रणेची चिंता कायम आहे. नाशिक महापालिका क्षेत्रात ३९, ग्रामीण भागात ८६, मालेगाव महापालिका क्षेत्रात ४ तर जिल्हाबाह्य १ असे नवीन कोरोना बाधित आढळून आल्याचे सूत्रांनी सांगितले. मंगळवारी कोरोनामुळे चार जणांचा मृत्यू झाला असल्याने आता पर्यंतच्या एकूण बळींची संख्या ८३४३ इतकी झाली आहे. त्यामुळे आरोग्य यंत्रणेला नवे बाधित रोखण्यासह बळींची संख्या कमी करण्याचे आव्हान कायम आहे.
जिल्ह्यात १३० नवे कोरोनाबाधित
By लोकमत न्यूज नेटवर्क | Updated: June 30, 2021 01:27 IST