ऑनलाईन लोकमत
नंदुरबार,दि.26 - नोटाबंदी, मेक इन इंडिया, जीएसटी सारखे निर्णय घेऊन मोदी देशाला विकासाच्या मार्गावर घेऊन जात आहेत़ मोदीलाट म्हणण्यापेक्षा याला विकासलाट म्हटले तरी, तरी चालेल मोदींच्या निर्णयांना देशाने पसंती दिली आह़े यासोबत नंदुरबार मतदारसंघात केंद्रशासनाकडे केलेल्या पाठपुराव्यानुसार अडीच हजार कोटींचा निधी दिल्याने कामे सुरू आहेत़ अशी माहिती खासदार डॉ़हीना गावीत यांनी ‘लोकमत’शी बोलताना दिली़
पुढे बोलताना खासदार डॉ़ गावीत म्हणाल्या की, नोटाबंदी या निर्णयामुळे देशात खळबळ उडाली होती़ मात्र देशातील चलनात 1000 आणि 500 च्या नोटांची टक्केवारी ही आर्थिक समीकरणांपेक्षा अधिक असल्याने अर्थकारण संकटात सापडले होत़े देशावरचे हे संकट दूर होऊन डिजीटलायङोशन व्हावे यासाठी नोटाबंदीचा कठोर निर्णय घेऊन तो अधिक समर्थपणे निभावला आह़े देशात आज बनावट चलनाची समस्या निकाली निघाली आह़े भ्रष्टाचाराला काही प्रमाणात आळा बसला आह़े सर्वसामान्य महिलांसाठी आणलेली उज्‍जवला गॅस योजना देशभरात यशस्वीपणे सुरू आह़े व्यापारी वर्गाला दिलासादायक असलेल्या जीएसटी विधेयकाला मंजूरी देऊन व्यापारवृद्धी करण्याचा प्रयत्न सुरू आह़े परकीय गुंतवणूक कशी वाढेल आणि येथे असलेल्या गुंतवणुकीत वाढ करून घेण्यासाठी ते सातत्याने प्रयत्नशील आह़े देशातील शेतक:यांच्या विविध योजनांवर भर देण्यात येत आह़े राज्यांमध्ये जलयुक्त शिवारासारख्या योजना अधिक प्रभावीपणे राबवल्या जाव्यात म्हणून निधी उपलब्ध करून दिला जात आह़े