व्हीएसजीजीएमतर्फे श्रीराम मंदिरासाठी निधी सुपूर्द

व्हीएसजीजीएमतर्फे सामाजिक व धार्मिक कार्यात समाज बांधवांचा नेहमी सहभाग राहिला आहे. अयोध्या येथील श्रीराम मंदिर निर्माण कार्यासाठी विविध शहर व ग्राम लेवा पाटीदार गुजर मंडळातर्फे सर्वांच्या सहयोगातून ६६ हजार १२२ रुपयांचा समर्पण निधी प्रदान करण्यात आला. प्रकाशा येथील सद्‌गुरू धर्मशाळेत श्रीराम मंदिर निर्माण कार्यासाठी समर्पण निधी प्रदान करण्याचा कार्यक्रम आयोजित करण्यात आला होता. यावेळी राष्ट्रीय स्वयंसेवक संघाचे विभागीय प्रांत सदस्य योगेश्वर गर्गे, राष्ट्रीय स्वयंसेवक संघाचे नंदुरबार जिल्हा प्रचारक धनंजय दशरथ, श्रीराम मंदिर निधी संकलन अभियान नंदुरबार जिल्हाप्रमुख अजय कासार, आशिष पाटील, राष्ट्रीय स्वयंसेवक संघाचे जिल्हा सहकार्यवाह खुशाल पाटील, सद्‌गुरू धर्मशाळेचे अध्यक्ष मोहन चौधरी, आदी रामभक्तांच्या उपस्थितीत विविध शहर व ग्राम लेवा पाटीदार ग्लोबल गुजर मंडळाच्या स्वयंसेवकांनी हा समर्पण निधी राष्ट्रीय स्वयंसेवक संघाच्या पदाधिकाऱ्यांकडे सुपूर्द केला.