नवापुरात शिवसेनेतर्फे वृक्षारोपण

कोरोनाच्या पार्श्वभूमीवर गर्दी टाळण्यासाठी यंदा सलग दुसऱ्यावर्षी परंपरेप्रमाणे वर्धापन दिनाचा सोहळा भव्य न करता सद्य:स्थितीत समाजासाठी अत्यंत आवश्यक असलेली आरोग्य शिबिरे, रक्तदान शिबिरे, वृक्षारोपण, जनजागृतीचे कार्यक्रम व अन्य समाजोपयोगी उपक्रम ठिकठिकाणी राबवून वर्धापन दिन साजरा करण्याचे आदेश वरिष्ठांचे असल्याने नवापूर शहरात वृक्षारोपण करून वर्धापन दिन साजरा करण्यात आल्याची माहिती जिल्हा उपप्रमुख हसमुख पाटील यांनी दिली. नवापूर शहरातील विविध भागात वृक्षारोपण करण्यात आले. ज्याठिकाणी वृक्षारोपण करण्यात आले तेथील दिवंगतांच्या स्मृतिप्रीत्यर्थ हे वृक्षारोपण करण्यात आले असून, त्यांच्याच कुटुंबीयांनी वृक्ष संगोपन व संवर्धनाची जबाबदारी घेतली. यावेळी शिवसेनेचे जिल्हा उपप्रमुख हसमुख पाटील, शहरप्रमुख गोविंद मोरे, तालुका उपप्रमुख प्रवीण ब्रम्हे, युवा सेनाधिकारी मनोज बोरसे, ज्येष्ठ नागरिक वसंत पाटील, कांतीभाई अग्रवाल, योगेश पाटील, अलका पाटील, मनोहर चौधरी, छोटू पाटील, राजेश पाटील आदी उपस्थित होते.