तळोद्यात चोरीप्रकरणी तिघांना २४ तासात अटक

लोकमत न्यूज नेटवर्कनंदुरबार : तळोदा शहरातील ग्रामीण बँक फोडण्याचा प्रयत्न करुन पाच ते सहा दुकानांचे शटर तोडणाऱ्या तिघा चोरट्यांना एलसीबीच्या पथकाने अवघ्या २४ तासात ताब्यात घेतले आहे़ त्यांच्याकडून ७७ हजार रुपयांचा मुद्देमाल ताब्यात घेण्यात आला आहे़पुण्या तारक्या वसावे, सुनिल खारक्या पाडवी दोन्ही रा़ लक्कडकोट ता़ तळोदा व सुनील पारता वसावे रा़ गढीकोठडा अशी ताब्यात घेतलेल्यांची नावे आहेत़ १३ जून रोेजी पहाटे तळोदा शहरात चिनोदा चौफुली परिसरातील पाच ते सहा दुकानांचे शटर अज्ञात चोरट्यांनी तोडले होते़ यापैकी एका दुकानातून १७ हजार २४० रुपयांचे साहित्य चोरीस गेले होते़ दरम्यान चोरट्यांनी महाराष्ट्र ग्रामीण बँक फोडण्याचाही प्रयत्न केला होता़ याप्रकरणी एलसीबीचे पोलीस निरीक्षक किशोर नवले हे तपास करत होते़ त्यांनी पथक तयार करुन तळोदा येथे पाठवले होते़ या पथकाने बँकेचा सीसीटीव्ही फुटेज तपासला असता, त्यात एक चोरटा रेकॉर्डवरील असल्याचे समजले होते़ त्याचा शोध सुरु केला असता, तो चिनोदा चौफुली परिसरात साथीदारासोबत मिळून आला़ पुण्या वसावे व सुनील पाडवी अशी दोघांची नावे आहेत़ पथकाने चौकशी केल्यावर सुनील वसावे रा, गढीकोठडा याच्यासोबत चोेरी केल्याची कबुली दोघांनी दिली होती़ तिघांना पथकाने ताब्यात घेतले असून त्यांनी प्रकाशा व शहादा येथून चोरी करुन आणलेल्या तीन दुचाकी व तळोद्यातून चोरलेला ११ हजाराचा सामान असा ७७ हजाराचा मुद्देमाल ताब्यात घेतला आहे़ ही कारवाई पोलीस अधिक्षक महेंद्र पंडीत, अप्पर पोलीस अधिक्षक चंद्रकांत गवळी यांच्या मागदर्शनात पोलीस निरीक्षक किशोर नवले, पोलीस उपनिरीक्षक योगेश राऊत आदींनी केली़