चोरट्याला कारावासाची शिक्षा

लोकमत न्यूज नेटवर्कनंदुरबार : शहरातील दोशाह तकीया भागात चोरी प्रकरणी न्यायालयाने चोरट्यास चार महिन्याच्या सश्रम कारावासाची शिक्षा सुनावली आहे़ सप्टेंबर महिन्यात चोरी करताना चोरट्यास नागरिकांनी पकडून देत पोलीसांच्या ताब्यात दिले होते़सलमान जब्बार शेख असे न्यायालयाने शिक्षा सुनावलेल्या आरोपीचे नाव आहे़ ९ सप्टेंबर रोजी पहाटेच्या सुमारास दोशाह तकीया भागातील रहिवासी रिजवान हबीब सय्यद यांच्या घरात सलमान शेख याने प्रवेश करत चोरीचा प्रयत्न केला होता़ दरम्यान रिजवान सय्यद यांचा लहान भाऊ इमरान यास जाग आल्याने त्याने आरडाओरड करत सलमान यास पकडले होते़ दरम्यान चोरट्याविरुद्ध शहर पोलीस ठाण्यात गुन्हा दाखल करण्यात आला होता़ याप्रकरणी पोलीस हेड कॉन्स्टेबल विश्वास गावीत यांनी न्यायालयात दोषारोपत्र सादर केले होते़ न्यायदंडाधिकारी चव्हाण यांच्या न्यायालयात हा खटला सुरु होता़ साक्षी पुरावे तपासल्यानंतर सलमान हा दोषी आढळल्याने त्याला चार महिन्यांच्या कारावासाची शिक्षा देण्यात आली़ सरकार पक्षातर्फे अ‍ॅड़ चंद्रकांत पाटील यांनी काम पाहिले़ खटल्यास पैरवी अधिकारी म्हणून पोलीस हेड कॉन्स्टेबल गणेश धनगर व पोलीस नाईक मनोज साळूंखे यांनी काम पाहिले़ त्यांचे पोलीस अधिक्षक महेंद्र पंडीत यांनी कौतूक केले आहे़