नंदुरबारात आणखी सहा जण कोरोना पॉझिटिव्ह

लोकमत न्यूज नेटवर्कनंदुरबार : शहरातील तिघांसह जिल्ह्यातील तिघांना कोरोनाचा संसर्ग झाल्याचे स्पष्ट झाले आहे़ सोमवारी सायंकाळी प्राप्त झालेल्या अहवालातून ही माहिती देण्यात आली आहे़प्रशासनाने दिलेल्या माहितीनुसार नंदुरबार शहरातील जोगेश्वरी नगरात ३५, राजीव गांधी नगरात २९ वर्षीय पुरुष तर बागवान गल्लीतील ७० वर्षीय वृद्धाला कोरोनाची लागण झाली आहे़ तळोदा शहरातील मोठा माळीवाड्यातील ४०, मोलगी ता़ अक्कलकुवा येथील १८ वर्षीय पुरुषाला कोरोनाचा संसर्ग झाला आहे़ दरम्यान लोणखेडा ता़ शहादा येथील ६७ वर्षीय वृद्धाचा रविवारी मृत्यू झाला होता़ त्याचा अहवाल सोमवारी पॉझिटिव्ह आला आहे़ सलग चौथ्या दिवशी कोरोनाबाधित रुग्ण आढळून आल्याने जिल्ह्यात खळबळ उडाली आहे़ तळोदा शहरात प्रथमच कोरोनाचा शिरकाव झाला असून ठाणे येथून परतलेल्या वृद्धेचा शनिवारी मृत्यू झाला होता़ कोरोना संसर्ग झालेला ४० वर्षीय पुरुष संबधित महिलेच्या नातेवाईक असल्याची माहिती आहे़दरम्यान सातपुड्याच्या दुर्गम भागात कोरोनाचा पहिला रुग्ण आढळून आला आहे़ मोलगी येथे या रुग्णाच्या संपर्कात आलेल्या सात जणांना आधीच क्वारंटाईन करण्यात आले आहे़ कोरोनाबाधित म्हणून आढळलेल्या सर्व रुग्णांच्या संपर्कातील व्यक्तींचा शोध सुरु झाला असून त्यांना क्वारंटाईन करण्यात येत असल्याची माहिती देण्यात आली आहे़ बाधितांना आयसोलेश वॉर्डात हलवण्यात अले आहेत़