शहरं
Join us  
Trending Stories
1
...तर निम्मे होतील टोलचे दर, 'अशा' रस्त्यांवर वाहन चालवणाऱ्यांना दिलासा; सरकारनं बनवला नवा प्लॅन
2
Bomb Threat: "बॉम्बे स्टॉक एक्सचेंजच्या इमारतीत दुपारी ३ वाजता बॉम्ब स्फोट होणार" धमकीचा ईमेल!
3
'तिला न्याय देण्याऐवजी भाजपच्या व्यवस्थेने आरोपींना वाचवले'; राहुल गांधींचे पंतप्रधान मोदींवर टीकास्त्र
4
कुतुहलापोटी रेल्वे इंजिन बघायला वर चढला, पण हाय पॉवर केबलचा करंट जीवावर बेतला; १६ वर्षीय मुलाचा मृत्यू
5
दोन महिलांपुढे पायलटनेही हात टेकले; विमानात जोरजोरात भांडत बसल्या अन् पुढे असे घडले...
6
DMR Stock Price: ५ वर ८ बोनस शेअर्स देणार 'ही' कंपनी; शेअरची किंमत २०० रुपयांपेक्षाही कमी, स्टॉकमध्ये १४ टक्क्यांपेक्षाही अधिक तेजी
7
टेस्लाची पहिली कार मॉडल Y लाँच, किंमत २३ लाख नाही, तुमचा आमचा श्वास रोखणारी... EMI किती?
8
सोने सांभाळण्याची भीती वाटते? ऑनलाईन पर्यायातून मिळेल जास्त नफा, कशी करायची गुंतवणूक?
9
अल्पसंख्याक अन् एससी-एसटींविरुद्ध भेदभाव केल्यास होणार तुरुंगवास; काँग्रेसच्या 'रोहित वेमुला' विधेयकात काय?
10
वाहन उद्योग क्षेत्रासाठी आजचा दिवस महत्त्वाचा; एकाचवेळी दोन दिग्गज कंपन्या भारतात एन्ट्री करणार
11
निमिषा प्रियाचा जीव वाचवण्यासाठी आणखी एक आशेचा किरण! येमेनच्या बंद खोलीत चर्चा सुरू
12
...नाहीतर भारत-पाकिस्तानमध्ये अण्वस्त्र युद्ध झालं असतं; डोनाल्ड ट्रम्प यांचा स्फोटक दावा
13
Video: प्रतीक्षा संपली, इलॉन मस्क यांची भारतात एन्ट्री! असं आहे Tesla चं मुंबईतील पहिलं शोरुम
14
"कमी बोला, जास्त काम करा"; पक्षातील नेत्यांना एकनाथ शिंदेंच्या कानपिचक्या, म्हणाले...
15
Stock Market Today: २० अंकांनी घसरुन उघडला सेन्सेक्स; फार्मा आणि मेटल क्षेत्रात खरेदी, थोड्याच वेळात का आली तेजी?
16
जगातील सर्वात वृद्ध धावपटू फौजा सिंग यांचे वयाच्या ११४ व्या वर्षी निधन; महामार्गावर झाला होता अपघात
17
क्रूरतेचा कळस! सैनिकाचे पोट फाडून त्यात ठेवला बॉम्ब; नक्षलवादी योगेंद्र कसा पकडला गेला?
18
हुंड्यासाठी छळ केल्याचा आरोप, विवाहितेचे कापले केस; दीड वर्षाच्या चिमुकलीसह महिलेनं संपवलं आयुष्य
19
हे तर भयंकरच! मुंबई लोकल की, मृत्यूचे कारण?; 8 वर्षात 8 हजार 273 प्रवाशांचा मृत्यू
20
इराणची भीती संपेना! इस्राइलवर आता विश्वासच नाही; पुन्हा करतायत युद्धाची तयारी

रुग्ण वाढल्याने शहादेकर चिंतेत

By लोकमत न्यूज नेटवर्क | Updated: July 16, 2020 11:50 IST

लोकमत न्यूज नेटवर्क शहादा : तालुक्याने कोरोना बाधित रुग्णांचे अर्धशतक पार केले असून गेल्या २४ तासात तालुक्यात १४ व्यक्तींचा ...

लोकमत न्यूज नेटवर्कशहादा : तालुक्याने कोरोना बाधित रुग्णांचे अर्धशतक पार केले असून गेल्या २४ तासात तालुक्यात १४ व्यक्तींचा कोरोना अहवाल पॉझिटीव्ह आल्याने प्रशासनासह नागरिकांसाठी चिंतेची बाब झाली आहे. विशेष म्हणजे या १४ पैकी ११ रुग्ण हे शहरातील आहेत.मंगळवारी सायंकाळी साडेआठ वाजेच्या सुमारास जिल्हा प्रशासनाने १२ जणांचे कोरोना अहवाल पॉझिटीव्ह आल्याची माहिती दिली. यात शहादा शहरातील पाच व तालुक्यातील जयनगर येथील एकाचा समावेश आहे. या सहा रुग्णांपैकी पाच रुग्ण शहरातील असून त्यातील दोघे हे मोहिदा क्वारंटाईन सेंटर येथे संशयित रुग्णांचे स्वॅबचे नमुने घेण्याचे काम करत होते. बुधवारी दुपारी व सायंकाळी जिल्हा प्रशासनाला प्राप्त अहवालापैकी पाच जणांचे कोरोना अहवाल पॉझिटीव्ह आले असून हे सर्व शहादा शहरातील आहेत. यात गरीब नवाज कॉलनी, म्हसावद रोड, वृंदावननगर व पुसनद ता.शहादा (ह.मु.शहादा) येथील आठ वर्षीय बालिकेचा समावेश आहे. गेल्या २४ तासात तालुक्यात १४ रुग्ण कोरोना बाधित आढळून आले असून पैकी ११ रूग्ण शहादा शहरातील असल्याने शहरातील सर्वच भागात कोरोना विषाणूचे संक्रमण सुरू असल्याचे स्पष्ट होत आहे.शहर व तालुक्यात कोरोना बाधित रुग्णांची संख्या ५० पेक्षा अधिक झाली असून यातील चार मयत झाले आहेत. बाधित रुग्णांमध्ये चार कोरोना योद्धांचा समावेश आहे. यातील दोन कोरोना योद्धा हे १८ मार्चपासून प्रत्यक्ष फिल्डवर काम करत होते तर उर्वरित दोन कोरोना योद्धा हे मोहिदा शिवारातील क्वारंटाईन सेंटरमध्ये संशयित नागरिकांच्या घशातील स्वॅबचे नमुने घेण्याचे काम करत होते. सर्वसामान्य नागरिकांसह शासकीय कर्मचारीही कोरोना बाधित होत असल्याने सर्वसामान्य नागरिकांमध्ये भीतीचे वातावरण पसरले आहे. ३१ मेपर्यंत पूर्ण लॉकडाऊन असल्याने शहरात व तालुक्यात रुग्णांची संख्याही मर्यादित होती. मात्र अनलॉक-एकच्या पहिल्या टप्प्यात ग्रामीण भागात रुग्णसंख्या वाढली तर मिशन बिगीन अगेन या टप्प्यात १ जुलैपासून शहरातील रुग्णांची संख्या वाढ झाली आहे.कोरोना विषाणू संक्रमणाची साखळी तोडण्यासाठी प्रशासनातर्फे विशेष खबरदारी बाळगली जात असली तरी वाढती रुग्ण संख्या ही चिंतेची बाब ठरली आहे. विशेष म्हणजे प्रशासनाच्या आवाहनाला नागरिकांचा प्रतिसाद लाभत असतानाही रुग्ण संख्या वाढत असल्याने प्रशासन हवालदिल झाले आहे तर नागरिकांमध्ये भितीचे वातावरण पसरले आहे . मिशन बिगीन अगेन या टप्प्यात विशेष सवलती शासनाने दिल्या असल्या तरी याचा कुठेतरी गैरफायदा घेतला जात असावा की ज्यामुळे रुग्णांंच्या संख्येत वाढ होत आहे. यात प्रामुख्याने आंतरराज्यीय तपासणी नाक्यावर काळजीपूर्वक वाहनांची तपासणी होत नाही, शासनाची कुठलीही अधिकृत परवानगी न घेता नागरिकांचे शहरात होणारे आगमन, नोकरी-व्यवसायानिमित्त बाहेर तालुक्यातून शहरात येणाऱ्या नागरिकांची व कर्मचाऱ्यांची दररोज कुठलीही वैद्यकीय तपासणी होत नाही, शेजारील शिरपूर, दोंडाईचा व नंदुरबार ही शहरे कोरोना हॉटस्पॉट ठरली असतानाही येथून येणाºया जाणाºया नागरिकांची कुठलीही प्रशासनाकडे नोंद नाही. अशा अनेक बाबींमुळे कोरोना विषाणूची साखळी तोडण्यात प्रशासनाला अपयश येत आहे, असे मत जाणकार नागरिकांकडून व्यक्त केले जात आहे.शहादा शहरात अचानक रुग्ण संख्या वाढल्याने प्रशासनावर कमालीचा ताण वाढला आहे. विशेष म्हणजे अहवाल पॉझिटीव्ह आल्यानंतर त्या बाधित रुग्णाच्या अतिसंपर्कातील व कमी संपर्कातील नागरिकांचा शोध घेऊन त्यांना क्वारंटाईन सेंटर येथे रवाना करण्यासाठी मंगळवारी सहा रुग्णांचा अहवाल आल्यानंतर संपूर्ण रात्रभर पालिका, पोलीस व महसूल विभागातील कर्मचारी कार्यरत होते. त्यात नेहमीप्रमाणे रुग्णवाहिका उशिरा पोहोचल्याने मध्यरात्रीपर्यंत या कर्मचाºयांना बाधित रूग्णाच्या परिसरातच थांबावे लागले.४शहादा शहरातील जिजाऊनगर येथील दोन व तालुक्यातील तोरखेडा येथील तीन असे पाच बाधित रुग्ण उपचाराअंती बरे झाल्याने जिल्हा रुग्णालयामार्फत त्यांना डिस्चार्ज देण्यात आला असून रुग्णवाहिकेद्वारे घरी पोहचविण्यात आले आहे. एकीकडे वाढती संख्या ही चिंतेची बाब असली तरी कोरोना विषाणू संक्रमणावर मात करणाºयांची संख्या वाढत असल्याने ती तालुक्यासाठी दिलासादायक बाब आहे.