लोकमत न्यूज नेटवर्कनंदुरबार : आॅनलाईन शिक्षणाचे जेव्हढे फायदे आहेत तेव्हढे तोटे देखील असल्याचे तज्ज्ञांचे मत आहे. कोरोनाच्या काळात हा चांगला पर्याय असला तरी यामुळे बालकांना विविध शाररिक व्याधींना सामोरे जावे लागण्याची शक्यता आहे. शिवाय ते एकलकोंडी होण्याचीही भिती आहे. यावर उपाय म्हणून पालकांनी विद्यार्थ्यांना नियमित योगा, प्राणायामसह विविध खेळात देखील रमवले पाहिजे असे तज्ज्ञांचे मत आहे.यंदा कोरोनाच्या पार्श्वभुमीवर शैक्षणिक वर्ष तर सुरू झाले, परंतु प्रत्यक्षात शाळा सुरू झालेल्या नाहीत. त्यामुळे जवळपास ८० टक्के शाळांनी आपल्या विद्यार्थ्यांना आॅनलाईन पद्धतीने शिकविण्यास सुरुवात केली आहे. याशिवाय खाजगी क्लासेस चालकांनी देखील आॅनलाईन ट्यूशन सुरू केल्या आहेत. परिणामी आॅनलाईन शाळा आणि ट्यूशन यात विद्यार्थी गुरफटला जात आहे. त्याचे चांगले व वाईट परिणामही दिसून येत आहेत.शाररिक व्याधींची भितीआॅनलाईन शिक्षणामुळे विद्यार्थ्यांना शाररिक व्याधींचीही भिती व्यक्त केली जात आहे. सतत संगणक, लॅपटॉप किंवा मोबाईल स्क्रिनसमोर बसल्यामुळे डोळ्यांचा त्रास होण्याची शक्यता आहे. त्यामुळे ज्यांना चष्म्याचा कमी नंबर असेल तो वाढणार व काहींना नव्याने चष्मा लावावा लागणार. डोकेदुखी आणि मायग्रेनचाही त्रास उद्भऊ शकतो. एका ठिकाणी बसून राहण्यामुळे अजिर्ण आणि पोटाचे विकार होऊ शकतात.योगा, प्राणायाम व खेळणेशाळेत शिकण्यासोबत मुुलं मित्रांसमवेत खेळणे, बागडण्यात रमतात. त्यामुळे वर्गात बसून राहण्यासह खेळण्यातूनही त्यांचा व्यायाम होतो. घरात बसून तसे होणे शक्य नाही.त्यामुळे पालकांनी आपल्या मुलांना नियमित योगा, प्राणायामसह खेळण्या, बागडण्यासाठी देखील उद्यूक्त करावे. त्यातून त्यांचा शाररिक आणि मानसिक व्यायाम देखील होऊ शकतो. किमान एक तास घरातील सर्व सदस्यांनी एकत्र येत विविध विषयांवर चर्चा करावी यातून मुलांच्या मनावरील ताण कमी होण्यास मदत होत असल्याचेही तज्ज्ञांनी सांगितले.सध्याचा कोरोनाच्या काळात आॅनलाईन शिक्षणाला पर्याय नाही हे जरी खरे असले तरी त्यामुळे होणाऱ्या शाररिक परिणामांचाही विचार करणे आवश्यक आहे. त्या दृष्टीने उपाययोजना केल्यास आॅनलाईन शिक्षणाचा उद्देश सफल होऊ शकेल असेही मत व्यक्त होत आहे.
संगणक किंवा मोबाईलच्या स्क्रिनकडे एकटक बघू नये. दर तीन ते पाच मिनिटांनी नजर इकडे तिकडे फिरवावी. प्रत्येकाने ब्रेक घेऊनच काम करावे किंवा स्क्रिन समोर बसावे. स्क्रिनचा ब्राईटनेस कमी ठेवावा. सकाळी व सायंकाळी नियमित व्यायाम करणे, खेळणे याला प्राधान्याने वेळ द्यावा. लहान मुलांना स्क्रिनकडे एकटक पहाण्याची सवय नसते. त्यामुळे त्यांना त्रास होऊ शकतो. यासाठी पालकांनी लक्ष घालावे. डोळ्यांचा त्रास, डोकेदुखी, झोन न येणे अशा प्रकारचे त्रास होत असल्यास लागलीच डॉक्टरांकडे तपासणी करून घ्यावी. आॅनलाईनला सध्या पर्याय नाही हे देखील तेव्हढेच खरे.-डॉ.अनिल शहा, नेत्रशल्य विशारद, नंदुरबार.