नवापुर येथे हाय प्रोफाईल जुगार अड्डयावर धाड, सहाजणांवर गुन्हा

लोकमत न्यूज नेटवर्कनवापूर : शहरापासून जवळच असलेल्या मोकळ्या मैदानात सुरू असलेल्या हायप्रोफाईल जुगार अड्डयावर पोलिसांनी धाड टाकून ५७ हजार रुपये रोख व चारचाकी वाहनांसह एकुण २० लाखांचा मुद्देमाल जप्त केला.याप्रकरणी सहा जणांविरुद्ध गुन्हा दाखल करण्यात आला आहे. त्यात मोहन जगदीश दर्जी, आकाश शंकर दर्जी, रवींद्र हिरालाल चव्हाण, लक्ष्ममण दत्तू पाटील, अमर गोविंद सोनार सर्व रा.नवापूर व सुनील परशराम अग्रवाल रा.खांडबारा यांचा समावेश आहे. शहरातील पिंपळनेर चौफुलीजवळील पटांगणात हा जुगार अड्डा सुरू असल्याची माहिती पोलिसांना मिळाली होती. त्यानुसार मंगळवारी सायंकाळी उशीरा कारवाई झाली.पोलिसांनी संशयीत सहाही जणांकडून एकुण ५७ हजार रुपये रोख, जुगाराची साधने तसेच चारचाकी चार वाहने असा एकुण २० लाख ७ हजार रुपयांचा मुद्देमाल जप्त केला.पोलीस शिपाई योगेश साळवे यांच्या फिर्यादीवरून संशयीतांविरुद्ध जुगार कायदा,आपत्ती व्यवस्थापन कायदा व साथीचे रोग प्रतिबंधक कायदा कलमान्वये गुन्हा दाखल करण्यात आला आहे.जुगार अड्डयावर पोलिसांनी धाड टाकताच एकच पळापळ झाली. परंतु पोलिसांनाी सर्वच संशयीतांना ताब्यात घेतले. जुगार खेळण्यासाठी अनेकजण महागड्या चारचाकी वाहनांनी आलेले होते. ही कारवाई पोलीस अधिक्षक महेंद्र पंडीत, अप्पर पोलीस अधिक्षक चंद्रकांत गवळी, उपविभागीय पोलीस अधिकारी रमेश पवार यांच्या मार्गदर्शनाखाली पोलीस निरीक्षक किशोर नवले, पोलीस निरीक्षक विजयसिंग राजपुत, सहाय्यक पोलीस निरीक्षक धिरज महाजन व पथकाने केली.