नंदुरबार येथील एन.बी.सी. येथील सभागृहात सुजल व स्वच्छ गाव याविषयी आयोजित दोन दिवसीय प्रशिक्षणाचे उद्घाटनप्रसंगी मुख्य कार्यकारी अधिकारी गावडे बोलत होते. यावेळी जिल्हा परिषदेचे अतिरिक्त मुख्य कार्यकारी अधिकारी शेखर रौंदळ, अक्राणीचे गट विकास अधिकारी बी.डी.गोसावी, अक्कलकुवा गटविकास अधिकारी महेश पोतदार, तळोदा गटविकास अधिकारी सावित्री खर्डे, ग्रामीण पाणीपुरवठा विभागाचे कार्यकारी अभियंता युवराज वळवी विभागीय समन्वयक चंद्रकांत कचरे उपस्थित होते.
जिल्हा परिषदेच्या अध्यक्षा ॲड. सीमा वळवी, मुख्य कार्यकारी अधिकारी रघुनाथ गावडे, उपमुख्य कार्यकारी अधिकारी( पाणी व स्वच्छता )डॉ. वर्षा फडोळ यांच्या मार्गदर्शनाखाली दोन दिवसीय सुजल व स्वच्छ गाव याविषयी प्रशिक्षण आयोजित करण्यात आले आले होते. केंद्र शासनाच्या मार्गदर्शक सूचनेनुसार जल जीवन मिशन अंतर्गत प्रत्येक गावात प्रत्येक घरात हर घर नल से जल हे अभियान राबविण्यात येत आहे. गावात पुरेसे व नियमित शुद्ध पिण्याचे पाणी उपलब्ध करून देण्याबरोबरच गावात शाश्वत स्वच्छता राहावी याविषयी मार्गदर्शन करण्यासाठी या प्रशिक्षणाचे आयोजन करण्यात आले होते. प्रशिक्षणासाठी वासोचे विभागीय समन्वयक चंद्रकांत कचरे यांनी पाणी व स्वच्छता जल जीवन मिशन कार्यक्रमाची उद्दिष्टे पाणीपुरवठा योजना सुरळीत चालविण्यासाठी ग्रामस्तरावर करावयाच्या विविध उपाययोजना, योजनेची देखभाल व दुरुस्ती, गावातील शाश्वत स्वच्छता व त्यामुळे ग्रामस्थांच्या आरोग्यावर होणारे परिणाम आदी विषयांवर गटचर्चा यांच्या माध्यमातून प्रशिक्षण दिले.
यावेळी जिल्ह्यातील सर्व गटविकास अधिकारी, सहायक गटविकास अधिकारी, उप अभियंता (ग्रामीण पाणीपुरवठा) गट संसाधन केंद्रातील कर्मचारी, फिनिश संस्था, सी.वाय.डी.ए. संस्था, टाटा ट्रस्ट या सामाजिक संस्थांचे कर्मचारी उपस्थित होते. प्रशिक्षणाचा उद्देश व प्रास्ताविक जिल्हा कार्यक्रम अधिकारी सुनील पाटील यांनी केले. तर आभार क्षमता बांधणीतज्ञ योगेश कोळकर यांनी मानले.