कार्यालयातील फरशी ब्लॅाक दुरुस्तीची मागणी
नंदुरबार: शहराबाहेरील जिल्हा अधीक्षक कृषी अधिकारी कार्यालयातील फरशी ब्लॅाक फुटल्यामुळे ठिकठिकाणी खड्डे पडले असून फरशी ब्लॅाकच्याखाली सरपटणारे प्राणी येत असल्याने या प्राण्यापासून धोका निर्माण झाला आहे. कार्यालयात कामानिमित्त येणाऱ्या नागरिक व कर्मचाऱ्यांत भीती निर्माण होत आहे. संबंधित अधिकाऱ्यांनी दखल घेऊन दुरूस्ती करावी,अशी मागणी करण्यात येत आहे.
कर्णकर्कश सायलेन्सरमुळे ध्वनीप्रदूषण
नंदुरबार शहरात दुचाकी वाहनधारकांकडून कर्णकर्कश व चित्र-विचित्र आवाज करणारी व जोरजोरात अचानक फटाक्यांचे आवाज काढणाऱ्या वाहनांचा वापर वाढल्याने वाहनचालक, पादचारी आणि वयस्क मंडळी व लहान मुलांमध्ये भीती निर्माण होत आहे. कर्णकर्कश व चित्र-विचित्र आवाजामुळे लक्ष विचलित होऊन अपघात होण्याची शक्यता असून वाहतूक पोलिसांनी कार्यवाही करावी, अशी मागणी होत आहे.