या पथकात आरोग्य विभाग, महसूल विभाग, पोलीस विभाग, नगरपालिका विभागातील प्रत्येकी एक कर्मचाऱ्याची नियुक्ती करण्यात आली आहे. या पथकाकडून कोरोना पॉझिटिव्ह रुग्णांबाबत माहिती आणि त्यांच्या सहवासात राहणाऱ्या व्यक्तींची रॅपिड ॲंटिजन तपासणी करण्यासाठी समन्वय साधून रुग्णांना सहकार्य केले जाईल. तसेच जे रुग्ण अत्यवस्थ असतील त्यांना जिल्हा कोविड केंद्रात उपचारासाठी दाखल करावे. शहरात व ग्रामीण भागात शनिवार व रविवार जनता कर्फ्यू यशस्वी करण्यासाठी जनजागृतीची गरज आहे.
तळोदा शहरातील आरोग्य पथक यांनी कमी कालावधीत उत्कृष्ट नियोजन करून आजपर्यंत ३००० च्या वर कोरोना चाचण्या करण्यात यश मिळवले, त्याबद्दल समाधान व्यक्त होत आहे. नागरिकांनी कोरोना आजाराबाबतीत शासनाने वेळोवेळी निर्गमित केलेल्या सूचनांचे पालन करावे व शासकीय कर्मचारी यांना सहकार्य करण्याचे आवाहन अविशांत पांडा यांनी केले आहे.