लोकमत न्यूज नेटवर्कनंदुरबार : भरधाव दुचाकी घसरल्याने एकजण जागीच ठार झाल्याची घटना धडगाव-शहादा रस्त्यावर देवबारा घाटात घडली. धडगाव पोलीस ठाण्यात गुन्हा दाखल करण्यात आला आहे. भगतसिंग ओल्या वसावे (४०) रा.वेली, ता.अक्कलकुवा असे मयताचे नाव आहे. भरगतसिंग हे ७ रोजी आपल्या दुचाकीने शहादा येथून धडगावकडे जात होते. देवबारा घाटात उतारावर अचानक त्यांची दुचाकी (क्रमांक एमएच ३९ टी ९४०७) अचानक घसरली. त्यात भगतसिंग वसावे हे जबर जखमी झाले. त्यात त्यांचा मृत्यू झाला. याबाबत गौतम राहसे यांनी फिर्याद दिल्याने धडगाव पोलीस ठाण्यात अपघाताचा गुन्हा दाखल करण्यात आला आहे. तपास हवालदार संजय मनोरे करीत आहे.
धडगावनजीक दुचाकी अपघातात एकजण ठार
By लोकमत न्यूज नेटवर्क | Published: November 09, 2020 12:55 PM