तळोदा,दि.16- : शहरातील वरिष्ठ महाविद्यालयातील एक तरुणी परीक्षा देऊन महाविद्यालयाबाहेर निघाली असता एका तरुणाने तिचा हात धरून विनयभंग केला. याप्रकरणी संशयितास अटक करण्यात आली आहे.
तळोद्यातील कला, वाणिज्य व विज्ञान महाविद्यालयातील 19 वर्षीय युवती शनिवारी दुपारी परीक्षा देऊन महाविद्यालयाबाहेर पडली. त्याचवेळी संशयित लखन मक्कन पटेल (30) रा.बाळदा, ता.निझर याने तिचा हात धरून खेचून घेतले व विनयभंग केला. संशयित तरुणाला अटक करण्यात आली आहे. (वार्ताहर)