मोहिदेतर्फे शहादा येथे प्रजासत्ताक दिन उत्साहात साजरा

बलवंड येथे प्रजासत्ताक दिवस साजरा

नंदुरबार : तालुक्यातील बलवंड येथे ग्रामपंचायत व जिल्हा परिषद मराठी शाळेत प्रजासत्ताक दिवस साजरा करण्यात आला. ग्रामपंचायत कार्यालयात ग्रामपंचायत सदस्य प्रतिभा भगवानसिंग राजपूत यांच्या हस्ते ध्वजारोहण करण्यात आले. जिल्हा परिषद मराठी शाळेत ग्रामपंचायत सदस्य मंगल बापू माळचे यांच्या हस्ते ध्वजारोहण करण्यात आले. यावेळी सरपंच सागर पांडुरंग पाटील, मुख्याध्यापक, शिक्षक, अंगणवाडी सेविका व ग्रामस्थ उपस्थित होते.

कस्तुरबा गांधी बालिका विद्यालय, टोकरतलाव

नंदुरबार : तालुक्यातील टोकरतलाव येथील कस्तुरबा गांधी विद्यालयात प्रजास्ताक दिवस साजरा करण्यात आला. यावेळी इंदिरा महिला सहकारी बँक प्रमुख कविता रघुवंशी यांच्या हस्ते ध्वजारोहण करण्यात आले. यावेळी विद्यालयातील शिक्षक व शिक्षकेतर कर्मचारी उपस्थित होते.

एस. ए. मिशन खासगी प्राथमिक शाळा, मलोणी

शहादा : तालुक्यातील मलोणी येथील एस. ए. मिशन खासगी प्राथमिक शाळेत प्रजासत्ताक दिन उत्साहात साजरा करण्यात आला. एस. ए. मिशन इंग्लिश मीडियम हायस्कूलचे मुख्याध्यापक एस. पी. नाथानी यांच्या हस्ते ध्वजारोहण करण्यात आले. कार्यक्रमप्रसंगी संविधान उद्देशिकेचे वाचन करण्यात आले. मराठी व इंग्लिश मीडियम स्कूलच्या शिक्षिकांनी देशभक्तीपर गीते सादर केली. यावेळी स्टिफन चोपडे, स्मित पाटील, उषा जाधव, मंगला पाटील, भारती शेवाळे, रविकांता वसावे, सोनाली पाकळे, नितीन गलराह, मृणालिनी भोई, श्वेता गलराह, विद्या मराठे, नीलिमा पटेल, संजय अहिरे आदी सर्व शिक्षक व शिक्षकेतर कर्मचारी उपस्थित होते. कार्यक्रमाचे सूत्रसंचालन कुणाल सोमवंशी यांनी केले. अर्चना चर्वतूर यांनी आभार मानले.