होळीसंदर्भात गोरंबा येथे बैठक

यंदाच्या होळी सणाबाबत सातपुड्यातील दऱ्याखोऱ्यातील आदिवासींच्या आनंदात थोडे विरजण पडले आहे. जिल्हाधिकारी व जिल्हा आपत्ती व्यवस्थापन प्राधिकरणाचे अध्यक्ष डॉ.राजेंद्र भारूड यांच्या निर्गमित अधिसूचनेनुसार निर्बंध लागू केले आहेत. यासंदर्भातील माहिती लोकांपर्यंत पोहोचण्यासाठी प्रशासन प्रयत्नशील आहे. होळीच्या पार्श्वभूमीवर गोरंबा, ता.धडगाव येथे पोलीस निरीक्षक जी.आर. औताडे यांनी भेट देऊन ग्रामस्थांची बैठक घेतली. यावेळी औताडे म्हणाले की, कोरोना विषाणूचा संसर्ग दिवसेंदिवस वाढत आहे. त्यामुळे होळी सण साजरा करताना जास्त लोकांना गर्दी न करता, सामाजिक अंतर ठेवा, मास्कचा वापर करा, बाजार मोठा भरवू नका, आपल्या जीवाची काळजी घेतानाच शासनाने निर्गमित केलेल्या अधिसूचनेचे पालन करा, असे मार्गदर्शन केले. बैठकीला माजी सरपंच सुन्या बुल्या पाडवी, माजी सरपंच कांड्या सुन्या पाडवी, माजी सभापती काळूसिंग सुन्या पाडवी, पोलीस पाटील पूजा कोमलसिंग पाडवी, कोमलसिंग पाडवी, बामण्या हुण्या पाडवी, हाना हूर्ता पाडवी, बिंदिया वळवी, इंद्या वळवी, धना ईरका वळवी, समाऱ्या भोंग्या वसावे, गोरजी गावीत, दिलवरसिंग वळवी, तेजला वळवी, रमेश वसावे, रमेश वळवी, अमरसिंग किर्ता वळवी, धाकल्या पाडवी, खाअल्या वळवी, दित्या वोरा वसावे, तिज्या भुऱ्या वळवी, गोन्या वळवी, काल्या वळवी, हारसिंग पाडवी, पोलीस हवालदार अभिमन्यू गावीत, जयेश गावीत, पुष्पेंद्र कोळी, ग्रामपंचायत सदस्य हिरा पाडवी व ग्रामस्थ उपस्थित होते. सूत्रसंचालन ॲड.अशोक पाडवी यांनी केले.