वेडाच्या भरात कु:हाडीने वार करून केला भावाचा खून

बेबडदपाडाची घटना : धडगाव पोलिसात गुन्हा

ऑनलाईन लोकमतदिनांक 17 ऑगस्टनंदुरबार : वेडाच्या भरात मोठय़ा भावाने लहान भावावर कु:हाडीने वार करून जागीच ठार केल्याची घटना धडगाव तालुक्यातील मांडवी बुद्रूकचा बेबडदपाडा येथे 16 रोजी रात्री घडली. याप्रकरणी धडगाव पोलिसात गुन्हा दाखल करण्यात आला आहे.शिवण्या मोग्या तडवी (24) असे मयताचे नाव आहे. पोलीस सूत्रांनुसार, बेबडदपाडा येथील चुंडय़ा मोग्या तडवी यांची मानसिक स्थिती खराब आहे. त्या भरातच त्यांनी आपला भाऊ शिवण्या मोग्या तडवी (24) याच्यावर कु:हाडीने वार केला. शिवण्या हा झोपलेला होता. ती संधी साधून त्याने त्याच्या मानेवर कु:हाडीने वार केल्याने त्याचा जागीच मृत्यू झाला. वडिल मोग्या डुकल्या तडवी यांना ही बाब समजल्यावर त्यांनी आरडाओरड करून शेजारच्या लोकांना बोलविले. त्यानंतर धडगाव पोलिसात फिर्याद दिल्याने चुंडय़ा मोग्या तडवी याच्याविरुद्ध खुनाचा गुन्हा दाखल करण्यात आला आहे. चुंडय़ा यास ताब्यात घेण्यात आले आहे.