बांधकाम साहित्य म्हणून वापरण्यात येणारा चुना तयार करण्यासाठी भट्ट्यांमध्ये वापरण्यात येणारी चुनखडी व शिंपल्यापासून केलेल्या चुन्याचा दर आता ६०० रुपये प्रतिब्रास असणार आहे. उत्खननाद्वारे किंवा गोळा करून काढलेले सर्व दगड आणि दगडाच्या भुकटीचा दरदेखील तेवढाच असणार आहे.
बांधकामासाठी वापरण्यात येणारा जांभा दगडाचा (लॅटराइट स्टोन) दर १५० रुपये प्रतिब्रास, उत्खननाद्वारे काढलेले किंवा गोळा केलेले गोटे, बारीक खडी, मुरुम, कंकर यांचा दर ६०० रुपये प्रतिब्रास आणि केवळ बॉलमिल्सच्या प्रयोजनाकरिता वापरण्यात येणारे चॅल्सेडोनी खडे यांचा दर तीन हजार रुपये प्रतिब्रास असणार आहे.
सिरामिक किंवा मृतिकाशिल्पे तयार करण्याच्या प्रयोजनार्थ, धातुशास्त्रीय प्रयोजनार्थ, दृष्टीविषयक प्रयोजनार्थ, कोळसा खाणीमध्ये साठवून ठेवण्याच्या प्रयोजनार्थ, सिल्व्हीक्रेट सिमेंट तयार करण्यासाठी आणि मातीची भांडी आणि काच सामान तयार करण्यासाठी वापरण्यात न येणाऱ्या सर्वसामान्य वाळूचा दर १२०० रुपये प्रतिब्रास, तर मुंबई महानगर प्रदेश क्षेत्रवगळून इतर क्षेत्रांकरिता ६०० रुपये प्रतिब्रास असणार आहे.
कौले (मंगलोरी किंवा अन्य कोणत्याही प्रयोजनाची) तयार करण्यासाठी वापरण्यात येणारी साधी चिकण माती, अंतर्गत बंधारे, रस्ते, लोहमार्ग आणि इमारती यांचे बांधकाम करताना भरणा करण्यासाठी/भूपृष्ठ सपाट करण्यासाठी वापरण्यात येणारी साधी माती, बांधकामाचे साहित्य म्हणून वापरण्यात येते त्यावेळी पाटीचा दगड किंवा नरम खडक या सर्वांचा दर ६०० रुपये प्रतिब्रास असणार आहे.
विटा तयार करण्याच्या आणि इतर प्रयोजनासाठी वापरण्यात येणारी साधी माती, गाळ आणि सर्व प्रकारची चिकण माती इत्यादी याचा दर २४० रुपये प्रतिब्रास असणार आहे. फुलरची माती किंवा बेटोनाइट याचा दर दीड हजार रुपये प्रतिब्रास असेल. सजावटीच्या प्रयोजनासाठी वापरावयाचे इतर सर्व प्रकारचे दगडाचा (ग्रॅनाइटवगळून) दर तीन हजार रुपये प्रतिब्रास असेल.
इतर सर्व गौण खनिज (ग्रॅनाइटवगळून) आणि केंद्र शासनाने दर ६०० रुपये प्रतिब्रास असेल. गौण खनिजांचे ठोकबंद भाडे (ग्रॅनाइटवगळून आणि केंद्र शासनाने दिनांक १० फेब्रुवारी २०१५ अन्वये घोषित केलेली गौण खनिजे वगळून) दर नऊ हजार प्रतिहेक्टर किंवा त्याच्या भागासाठी असेल, असे अपर जिल्हाधिकारी महेश पाटील यांनी कळविले आहे.