बसस्थानकात रविवारी ५९ जणांची तपासणी करण्यात आली. त्यापैकी सात जणांचा अहवाल पॉझिटिव्ह आला आहे. चार दिवसात रॅपिड टेस्टिंगमध्ये ३५ रुग्ण पॉझिटिव्ह आले आहेत, तर आरटीपीसीआर तपासणीत ९० रुग्ण पॉझिटिव्ह आल्याने तालुक्यातील कोरोना रुग्णांची संख्या १२५ झाली आहे.
धोकादायक म्हणजे बसस्थानकातील शिव भोजनालयातील तीन कर्मचारी, तर दोन दुकानदार कोरोना पॉझिटिव्ह आल्याने मोठी खळबळ उडाली आहे. शाळा सुरू झाल्याने मोठ्या प्रमाणात ग्रामीण भागातील विद्यार्थी बसने नवापूर शहरात शिक्षणासाठी येत असतात. त्यामुळे जिल्हा प्रशासनाने खबरदारीचा उपाययोजना करणे गरजेचे आहे. ज्या रुग्णांना लक्षणे होती, त्यांना १०८ रुग्णवाहिकेच्या मदतीने उपजिल्हा रुग्णालयात दाखल करण्यात आले. ज्यांना लक्षणे नाहीत, अशांना घरीच विलगीकरण करण्यात आल्याची माहिती तालुका वैद्यकीय अधिकारी डॉ. शशिकांत वसावे यांनी दिली.
कोरोनाचा संसर्ग वाढत असल्याने तपासणीसाठी येणाऱ्यांचे प्रमाणही वाढले आहे. त्यात नागरिक अँटिजेनऐवजी प्रयोगशाळेतील आरटीपीसीआर तपासणीला प्राधान्य देतात. मात्र, स्वॅब तपासणीचा अहवाल २४ ते ३० तासांनी मिळतो. त्यामुळे उपचारांत अडथळे येत असल्याने रुग्णांची प्रकृती बिघडत असल्याचे दिसून येत आहे. त्याशिवाय, कोरोना नसलेल्या मात्र, अन्य आजारांच्या रुग्णांनाही तपासणीशिवाय उपचार मिळत नसल्याचे स्पष्ट आहे. त्यामुळे स्वॅब तपासून त्याचा अहवाल कमीत कमी वेळेत देण्यासाठी ही सुविधा उपलब्ध करून देण्यात आली आहे.
अवघ्या पाच मिनिटांतच कोरोना व्हायरसचे निदान होऊ शकते.
ऑक्सफर्ड युनिव्हर्सिटीच्या संशोधकांनी कोरोना व्हायरससाठी रॅपिड टेस्टिंग टेक्नॉलॉजी तयार केली आहे. ज्यामुळे एखाद्या व्यक्तिला कोरोना व्हायरस आहे की नाही, हे फक्त पाच मिनिटांत समजते. नागरिकांना काही त्रास होत असेल तर नि:शुल्क कोरोना तपासणी करू घ्या, असे आवाहन तहसीलदार मंदार कुलकुर्णी यांनी केले आहे.