काठीच्या राजवाडी होळीनिमित्त सातपुड्यात गुंजणार ढोल बिरीचे सूर

लोकमत न्यूज नेटवर्कमोलगी : अक्कलकुवा शहराच्या उत्तरेला ४० किलोमीटर अंतरावर सातपुड्याच्या चौथ्या पर्वत रांगेतील संस्थानिकांचा समृद्ध वारसा असलेल्या काठी ता़ अक्कलकुवा येथील राजवाडी होळीला सोमवारी सुरुवात होणार आहे़ यानिमित्त सातपुड्यात ढोल आणि बिरीचे सूर उमटू लागले असून जागोजागी पेटत असलेल्या होळीसमोर बावा, बुध्या, मोरखी बनून आदिवासी बांधून डौलात नृत्य करु लागले आहेत़गेल्या १५ ते २० दिवसांपासून सातपुड्याला होळीचे वेध लागले आहेत़ यामुळे सर्व आबालवृद्ध, युवक, युवती, माता भगिनींची उत्सुकता वाढली असून सर्वांची पावले आपआपल्या गावांकडे वळली आहेत़ यात सर्वाधिक आकर्षण असणारी राजवाडी होळी म्हणजे उत्सवाचा केंद्रबिंदूच आहे़ यानिमित्त भरणारा भोंगऱ्या बाजार आणि मेलादा सर्वांनाच भुरळ घालणारा आहे़ काठी संस्थानचा होलिकोत्सवाच्या पूजेचा मान पारंपरिक पद्धतीने संस्थानिकांचे वारस असलेल्या महेंद्रसिंग प्रतापसिंग पाडवी यांना देण्यात येतो़ १२ शतकापासून येथे साजरा होणारा होलिकोत्सव हा भव्य अशा प्रकारचा असल्याने हजारोंच्या संख्येने आदिवासी बांधव हजेरी लावतात़ या माध्यमातून आदिवासी संस्कृतीचे जतन होत असल्याने नर्मदा काठापासून तापी खोºयातील तीन राज्यातील आदिवासी बांधव येथे हजेरी लावतात़ यंदाही होळीच्या पार्श्वभूमीवर प्रचंड उत्साह असून होळीसाठी लागणारा दांडा आणणारे पुजारा चार दिवसांपूर्वीच गुजरात राज्यातून रवाना झाले आहेत़ मजल दर मजल करत हे बांधव सोमवारी दुपारी होळीचा दांडा घेऊन काठी गावाच्या वेशीवर येणार आहेत़ येथून पुढे गावातीलच जुन्या कडूनिंबाच्या झाडाजवळ बांूबू ठेवून त्याचे पूजन केले जाणार आहे़ यंदा होळीसाठी किमान १ लाखापेक्षा अधिक आदिवासी बांधव आणि विविध राज्यातील पर्यटकही हजेरी लावणार असल्याने मुख्य होळी चौकातील तयारीलाही वेग आला आहे़ होळीसाठी तयारी करणारे बावा, बुध्या, मोरखी यासह विविध पथकांची तयारी पूर्ण झाली असून सातपुड्यात सुरु असलेल्या होळीत त्यांचे नृत्य रंगत आहे़ पारंपरिक अशा ९०० वर्षांच्या या होलिकोत्सवासाठी पोलीस बंदोबस्त व वाहतूक नियमन करण्याची कारवाईही सुरु असल्याची माहिती देण्यात आली आहे़तूर्तास काठी परिसरात ढोल, डफ आणि घुंगरांचे सूर घुमत असून ते ऐकून प्रत्येकातच चैतन्य संचारत असल्याचे चित्र निर्माण झाले आहे़