चायना मेड यंदा ४० टक्केच!

लोकमत न्यूज नेटवर्कनंदुरबार : चायना मेड वस्तूंविरोधात जनजागृती होऊन, आंदोलने होऊन देखील शोभेच्या वस्तू, विद्यूत माळा यासह इतर वस्तू या चायनामेडच विकल्या जात असल्याची स्थिती आहे. नंदुरबारात गणेशोत्सवानिमित्त आणि येणाºय विविध सण, उत्सवानिमित्त लावण्यात आलेल्या दुकानांमध्ये चायनामेडच्या वस्तूंनाच सर्वाधिक मागणी असल्याचे चित्र आहे. दरम्यान, काही विक्रेत्यांनी नवीन माल न आणता गेल्या वर्षाचा चायना मेड जुनाच माल विक्रीसाठी ठेवल्याचे सांगण्यात आले.गेल्या तीन, चार महिन्यात चिनशी झालेल्या तणावपुर्ण संबधामुळे चायनामेडच्या वस्तूंविरोधात वातावरण निर्मिती करण्यात आली होती. अनेक दुकानदार, विक्रेते यांनी देखील चायना मेड माल न ठेवण्याचा निर्णय घेतला होता. परंतु ग्राहकांना स्वस्त:त चांगली व आकर्षक वस्तू पाहिजे असल्यामुळे दुकानदारांचा नाईलाज होत असल्याचे चित्र आहे. सध्या बाजारात विविध शोभेच्या वस्तू विक्रीसाठी लावण्यात आलेल्या दुकानांमध्ये हे चित्र प्रकर्षाने दिसून येत आहे.गणेशोत्सवासाठी मागणीगणेशोत्सवासाठी विद्युत माळांना मागणी वाढली आहे. चायना मेड ऐवजी दुसरी विद्यूत माळ मागितल्यावर त्याची किंमत जास्त राहत असल्यामुळे नाइलाजाने ग्रहकाला चायना मेड विद्यूत माळ घ्यावी लागत असल्याचे चित्र आहे. अगदी ६० रुपयांपासून ते ५०० रुपयांपर्यंत आकर्षक विद्यूतमाळा उपलब्ध आहेत. अनेक विके्रेत्यांनी जुनाच स्टॉक विक्रीस काढला आहे.नवीन स्टॉकच उपलब्ध नसल्याचे त्यांचे म्हणने आहे. चिनशी असलेल्या तणावपुर्ण संबधांमुळे गेल्या वर्षाच्या तुलनेत यंदा ४० टक्केच चायनामेड माल उपलब्ध होत असल्याचे त्यांचे म्हणने आहे.भारतीय बनावटीच्या किंमती जास्तभारतीय बनावटीच्या अर्थात दिल्ली, इंदोरमेड साहित्यही बाजारात मोठ्या प्रमाणावर उपलब्ध आहे. परंतु त्यांच्या किंमती जास्त असल्याचे विक्रेत्यांनी सांगितले. परंतु या वस्तू टिकाऊ आणि अनेक दिवस चालणाऱ्या आहेत. त्यामुळे चोखंदळ ग्राहकांकडूनच अशा वस्तूंना मागणी असते. याउलट चायना वस्तू या वापरा आणि फेका स्वरूपाच्या असतात. आता ग्राहकांची मानसिकता बदलत आहे. त्यामुळे यापुढील काळात चायना मेड वस्तूंची मागणी घटेल अशी अपेक्षा विक्रेत्यांकडून व्यक्त होत आहे.गेल्या दोन महिन्यांपासून चायना मेड खेळणी, शोभेच्या वस्तू यांची आयात कमी झाल्याने किरकोळ स्वरूपात दुकानदारांना या वस्तू मिळत नसल्याची स्थिती आहे. त्यामुळे जुना स्टॉक विक्रीकडे कल आहे.