मंडळाधिकारी व तलाठीत हमरीतुमरी

लोकमत न्यूज नेटवर्कसारंगखेडा : सादर केलेल्या शेतकऱ्यांची प्रकरणे वारंवार नाकारली जात असल्याच्या कारणांवरून टेंभे तर्फे सारंगखेडा येथील तलाठी व मंडळ अधिकारी यांच्यात जोरदार खडाजंगी झाली. दोघांचा वाद मिटविण्यासाठी पोलीसांना पाचारण करावे लागले. गेल्या दोन दिवसांपासून या प्रकाराची सारंगखेडा आणि परिसरात चर्चा रंगली आहे़टेंभे तर्फे सारंगखेडा येथील तलाठी जाधव हे गावातील शेतकऱ्यांची शेती सबंधी प्रकरणे घेऊन सारंगखेडा येथील मंडळाधिकारी जुबेर पठाण यांच्याकडे गेले होते़ मात्र मंडळ अधिकारी पठाण यांनी त्या प्रकरणांचा स्विकार केला नाही़ यातून तलाठी व मंडळधिकारी या दोघांमध्ये वाद सुरू झाला. बराच वेळ सुरु असलेला हा वाद हाणामारी पर्यंत पोहोचला होता़ दरम्यान मंडळधिकारी यांनी पोलीसांना फोनवरून माहीती देऊन बोलाूवन घेतले होते़ पोलीस ग्रामपंचायत कार्यालयातील मंडळाधिकारी कक्षात पोहोचल्यानंतर मध्यस्थी करुन हा वाद मिटवण्यात आला़ परंतु हा वाद क्षणिक ठरू नये, तसेच शेतकºयांचे प्रस्ताव अस्विकार करण्यामागच्या कारणांचीही चौकशी व्हावी अशी अपेक्षा ग्रामस्थांनी व्यक्त केली आहे. सारंगखेड्यात सध्या कोरोनामुळे लॉकडाऊन सुरू आहे़ ग्रामपंचायत कार्यालय परिसर रेड झोन परिसर म्हणून घोषित आहे़ परंतु महसूल विभागातील कर्मचारीच संचारबंदीचे उल्लंघन करतांना दिसून आले़मंडळधिकारी व तलाठी या दोघांचा वाद झाल्याची माहिती मिळाली असून दोघांना तहसील कार्यालयात बोलवून समज दिले जाणार आहे. टेंभे येथील कोणत्या प्रकरणाबाबत वाद होता याबाबत चौकशी करण्यात येईल .-डॉ़ मिलींद कुलकर्णी,तहसीलदार शहादा़