अक्कलकुव्यात मागील भांडणातून एकाचा खून

नंदुरबार : मागील भांडणाची कुरापत काढत चौघांनी केलेल्या बेदम मारहाणीत 55 वर्षीय इसमाचा मृत्यू झाला़ खोडीचा पाटीलपाडा  ता़ अक्कलकुवा येथे रविवारी पहाटे 2 वाजेच्या सुमारास ही घटना घडली़ रेमा मोत्या वसावे (55) असे मयताचे नाव असून त्यांचा 2012 मध्ये आमश्या पारता वसावे यांच्यासोबत शेतीच्या बांधावरील बांबूचे झाड लावण्यावरून वाद झाला होता़ यातून ही खूनाची घटना घडली़ वादाची कुरापत काढून आमश्या पारता वसावे, हिरालाल बावा वसावे, विरजी सोन्या वसावे, बोख्या मोत्या वसावे सर्व रा़ खोडी सारवालपाडा यांनी शनिवारी रात्री आठ वाजेच्या सुमारास रेमा वसावे यांच्या शेतातील खळ्याजवळ येऊन भांडणास सुरूवात केली होती़ यावेळी त्यांच्या हातात लाठय़ा, काठय़ा आणि कु:हाडी होत्या़ यावेळी चौघांनी रेमा वसावे यांना मारहाण करण्यास सुरूवात केली़ यावेळी त्यांच्या पाठीसह, छातीवर, पायावर कु:हाड उलटी मारून जखमी केल़े रात्री उशिरार्पयत हा प्रकार सुरू होता़ यात गंभीर जखमी झाल्याने पहाटेच्या सुमारास रेमा वसावे यांचा मृत्यू झाला़ घटनेची माहिती ग्रामस्थांनी तात्काळ मोलगी पोलीस ठाण्यात दिल्यानंतर उपविभागीय पोलीस अधिकारी पी़एऩमेढे व मोलगी पोलीस ठाण्याचे पोलीस निरीक्षक पंडीतराव सोनवणे यांनी भेट देत माहिती घेतली़ याबाबत वनसिंग रेमा वसावे यांनी रविवारी सायंकाळी दिलेल्या फिर्यादीवरून आमश्या वसावे, हिरालाल वसावे, विरजी वसावे, बोख्या वसावे यांच्याविरोधात मोलगी पोलीस ठाण्यात खुनाचा गुन्हा दाखल करण्यात आला आह़े तपास पोलीस निरीक्षक पंडीतराव सोनवणे करत आहेत़