राष्ट्रवादी युवक काँग्रेसच्या रक्तदान शिबिरात ४२ युवकांचे रक्तदान

कोरोना संकटात काळात सामाजिक बांधिलकीच्या दृष्टीने नंदुरबार जिल्हा राष्ट्रवादी युवक काँग्रेसच्या वतीने २१ एप्रिल रोजी नंदुरबार तालुक्यातील चौपाळे येथील रामदेवबाबा मंदिरात रक्तदान शिबिराचे आयोजन करण्यात आले होते. उद्घाटन राष्ट्रवादी काँग्रेसचे नंदुरबार जिल्हाध्यक्ष डॉ.अभिजित मोरे यांच्या हस्ते श्रीराम नववीनिमित्त प्रभूरामचंद्रांच्या प्रतिमेचे पूजन करुन करण्यात आले. याप्रसंगी नंदुरबार जिल्हा राष्ट्रवादी युवक काँग्रेसचे जिल्हाध्यक्ष सिताराम पावरा, राष्ट्रवादीचे जिल्हा कार्याध्यक्ष सागर तांबोळी, राष्ट्रवादी ओबीसी सेलचे जिल्हाध्यक्ष चंद्रकांत पाटील, ग्रंथालय सेलचे जिल्हाध्यक्ष प्रविण पाटील, आमदार रोहित पवार फॅन्स क्लबचे जिल्हाध्यक्ष राजरत्न बिरारे, राष्ट्रवादीचे जिल्हा सरचिटणीस मधुकर पाटील, राष्ट्रवादी ओबीसी सेलचे प्रदेश सरचिटणीस कमलेश चौधरी, शहराध्यक्ष नितीन जगताप, बी.के.पाडवी, शहादा तालुकाध्यक्ष महेंद्र कुवर, राजू पाटील, प्रकाश मगरे, युवकचे जिल्हा उपाध्यक्ष वामन पिंपळे, जिल्हा उपाध्यक्ष विक्की बिरारे आदी उपस्थित होते. या शिबिरात ४२ युवकांनी रक्तदान केले. रक्त संकलनासाठी जनकल्याण रक्तपेढीचे प्रकाश भोई, पुष्पा नायक, मनिष पवार, गोरख भिल, संजय सूर्यवंशी या कर्मचार्‍यांनी सहकार्य केले.