प्रकाशा येथे १४६ दात्यांचे रक्तदान

सामाजिक कर्तव्य म्हणून ‘लोकमत रक्ताचं नातं’ या अभियानांतर्गत नंदुरबार जिल्ह्यात विविध गावांमध्ये आणि शहरांमध्ये रक्तदान शिबिरांचे आयोजन करण्यात येत आहे. ‘लोकमत’ व विविध शहर ग्राम गुजर ग्लोबल मित्र मंडळ (व्हीएसजीजीएम) यांच्या संयुक्त विद्यमाने प्रकाशा, ता. शहादा येथे शिबिर घेण्यात आले. प्रारंभी सरदार वल्लभभाई पटेल यांच्या प्रतिमेचे पूजन करून शिबिराची सुरुवात झाली. शिबिरात महिला, पुरुष, दिव्यांग व तरुणांनी उत्स्फूर्त सहभाग नोंदविल्याने १४६ रक्त पिशव्यांचे संकलन करण्यात आले. धुळे येथील नवजीवन ब्लड बँकेचे संचालक डॉ.सुनील चौधरी व सहकाऱ्यांनी सहकार्य केले. शिबिरात दिनेश तुकाराम पाटील व श्रद्धा दिनेश पाटील, दिनेश मोहन पाटील व कल्पना दिनेश पाटील आणि संदीप अरुण पाटील यांनी सपत्नीक रक्तदान केले. तसेच याआधी ३० वेळा रक्तदान करणारे सुरेश पूना पाटील व दरवर्षी रक्तदान करणारे प्रकाशा पोलीस दूरक्षेत्राचे हवालदार शिरसाठ यांनीही रक्तदान केले. या वेळी जि.प.चे माजी उपाध्यक्ष रामचंद्र पाटील, वि.का. सोसायटीचे अध्यक्ष हरी पाटील, सद्‌गरू धर्मशाळेचे अध्यक्ष मोहन चौधरी, सरपंच सुदाम ठाकरे, धुळे लेवा पाटीदार समाज मंडळाचे अध्यक्ष प्रकाश पाटील, ग्रा.पं. सदस्य दिलीप ज्ञानदेव पाटील, दिलीप लिमजी चौधरी, किशोर पाटील, मनोज पाटील, प्राचार्य पी.एल. पाटील, नंदकिशोर पटेल, पंडित धनराळे, दशरथ चौधरी, तलाठी डी.एम.चौधरी, प्रकाश चौधरी, रामदास पाटील, सतीश पाटील, सतीश भगवान चौधरी, सुनील पाटील आदी उपस्थित होते.