किनवट, मुखेडातून दुचाकी लंपास
किनवट तालुक्यातील गोकुंदा येथे एरिगेशन कॉलनीतून देवानंद मारुतराव गव्हाणे यांची तर मुखेड तालुक्यातील मौजे उमरदरी येथे श्यामसुंदर जळबा दारकू यांच्या घरासमोरील दुचाकी चोरट्याने लंपास केली.
मशागत करताना शेतकऱ्याला मारहाण
कंधार तालुक्यातील मौजे मंगलसांगवी येथे वडिलाच्या मामाच्या बटाईने केलेल्या शेतात देवानंद बालाजी कदम हे मशागत करीत होते. त्यावेळी तेथे आलेल्या आरोपींनी शिवीगाळ करुन कदम यांना दगडाने मारहाण केली. याप्रकरणात उस्माननगर पोलिस ठाण्यात गुन्हा नोंद झाला.
मूलबाळ होत नसल्याने विवाहितेचा छळ
ठाणे जिल्ह्यातील बदलापूर येथे महिलेला मूलबाळ होत नसल्याचे सासरच्या मंडळीकडून त्रास देण्यात येत होता. गहाण ठेवलेली शेती सोडविण्यासाठी दहा लाख रुपये घेऊन येण्याच्या मागणीसाठी विवाहितेचा छळ करण्यात आला. या प्रकरणात उस्माननगर पोलिसांनी गुन्हा नोंदविला.
शहरात दोन जुगार अड्ड्यावर धाडी
शहरातील वजिराबाद भागात दोन ठिकाणी जुगारावर धाडी मारण्यात आल्या. मिलगेट भागातून साडे तीन हजार रुपये तर महेमूद गार्डनच्या पाठीमागून एक हजार रुपये जुगाऱ्याकडून जप्त करण्यात आले आहेत.