मुखेड : शहरातील महात्मा ज्योतिबा फुले महाविद्यालयातील क्रीडा व राष्ट्रीय सेवा योजना विभाग, बँक ऑफ बडोदा यांच्या संयुक्त विद्यमाने केंद्र शासनाच्या ‘फिट इंडिया मुव्हमेंट’ या उपक्रमांतर्गत जिल्हास्तरीय सायकल स्पर्धा दिनांक ३० डिसेंबर रोजी सकाळी ७:३० वाजता आयोजित करण्यात आली होती.
या स्पर्धेच्या उद्घाटन कार्यक्रमाच्या अध्यक्षस्थानी बँक ऑफ बडोदाचे शाखाधिकारी महेंद्र आडके, उद्घाटक म्हणून तहसीलदार काशिनाथ पाटील, पोलीस निरीक्षक नरसिंग आकुसकर, वीरभद्र शिक्षण संस्थेचे सचिव रणजीत पाटील-हंगरगेकर, ग्रामीण महाविद्यालय, वसंतनगरचे प्राचार्य डॉ. हरिदास राठोड, संस्थेचे सदस्य शिवराज पाटील-हंगरगेकर, महाविद्यालयाचे प्राचार्य डॉ. एस. बी. अडकिणे, राजे छत्रपती अॅकॅडमीचे संचालक ज्ञानेश्वर डुमणे, प्रा. सी. बी. साखरे, प्रा. जयदीप कहाळेकर, प्रा. डाॅ. संजय गायकवाड, प्रा. बी. डी. पाटील, प्रा. डाॅ. चंद्रकांत एकलारे उपस्थित होते. या स्पर्धेत सहभागी होण्यासाठी १०१ जणांनी ऑनलाईन नोंदणी केली होती, मात्र प्रत्यक्षात ७५ स्पर्धकांनी सहभाग घेतला. या स्पर्धेत राष्ट्रीय खेळाडू गणेश काकडे याने प्रथम क्रमांक, नंदकिशोर साखरे याने द्वितीय क्रमांक, नारायण कंधारे याने तृतीय क्रमांक तर ग्रामीण विभागात तुकाराम रेणगुंटवार याने प्रथम, रोहित बरगे याने द्वितीय, उद्देश चौधरी याने तृतीय क्रमांक मिळवला. मुलींमध्ये प्रीति चव्हाण हिने प्रथम, सीमा राठोड हिने द्वितीय, ज्योती कांबळे हिने तृतीय क्रमांक मिळवला. सर्व यशस्वी स्पर्धकांना रोख रक्कम, ट्रॅक सूट , स्मृतिचिन्ह, प्रमाणपत्र देऊन गौरविण्यात आले.