एकत्र पार्टीनंतर मात्र राडा

लिंगापूर येथील राहूल भूजंगराव देवसरकर हा तरुण गजानन शेषराव देवसरकर आणि ज्ञानेश्वर देवसरकर या मित्रासोबत तामसा ते आष्टी रस्त्यावर वाळकी येथील धाब्यावर जेवण करण्यासाठी गेले होते. या ठिकाणी तिघांनीही जेवण केले. परंतु यातील एकाला दारु जास्त झाली होती. त्याने राहुल देवसरकर याच्याशी वाद घालण्यास सुरुवात केली. राहुल हा समजावून सांगत होता. परंतु तो भांडणाच्या तयारीत होता. त्यातच त्याने आपल्या भावाला फोन करुन बोलावून घेतले. त्यानंतर अमोल गणेशराव देवसरकर, अविनाश देवसरकर, पप्पू सुभाषराव देवसरकर आणि अक्षय प्रकाश देवसरकर हे घटनास्थळी आले. त्यामुळे राहुल देवसरकर हा गावाकडे निघून जात होता. राहुल हा आपल्या शेताजवळ आला असताना आरोपींनी लोखंडी सळई आणि लाकडाने राहुलला जबर मारहाण केली. या मारहाणीत राहुल देवसरकर हा गंभीर जखमी झाला आहे. या प्रकरणात तामसा पोलीस ठाण्यात गुन्हा नोंद झाला.