डमी परीक्षार्थी प्रकरणात आणखी आठ जणांना अटक

राज्यभर गाजत असलेल्या एमपीएससी डमी परीक्षार्थी प्रकरणात विशेष तपास पथकाने आणखी आठ आरोपींना अटक केली. आतापर्यंत एकूण ३४ जणांना झाली आहे.

नांदेड : राज्यभर गाजत असलेल्या एमपीएससी डमी परीक्षार्थी प्रकरणात विशेष तपास पथकाने आणखी आठ आरोपींना अटक केली. आतापर्यंत एकूण ३४ जणांना झाली आहे. सोमवारी त्यांना नांदेड न्यायालयात आणण्यात आले. परंतु, हे प्रकरण किनवट न्यायालयात सुरू असल्याने आरोपींना तेथे पाठविण्यात आले़सोमवारी एसआयटीने अटक केलेल्या आरोपींमध्ये तलाठी, लिपीक, कालवा निरीक्षक, वरिष्ठ लिपीक, स्थापत्य अभियांत्रिकी सहाय्यक, शिक्षक यांचा समावेश आहे़ एमपीएससी डमी परीक्षार्थी प्रकरणाची व्याप्ती वाढत आहे़ मांडवी येथील युवक योगेश जाधव याने हा घोटाळा उघडकीस आणला होता़ मुख्य आरोपी प्रबोध राठोड याला चार महिन्यांपूर्वी अटक करण्यात आली असून तेव्हापासून तो तुरुंगातच आहे़ चार जणांना आतापर्यंत जामीन मिळाला आहे़