कळमेश्वर : वेगात जाणाऱ्या ट्रेलरने माेटारसायकलला जाेरात धडक दिली. त्यात दुचाकीचालक तरुणाच्या पाेटावरून ट्रेलरचे चाक गेल्याने त्याचा मृत्यू झाला. ही घटना कळमेश्वर पाेलीस ठाण्याच्या हद्दीतील कळमेश्वर एमआयडीसी परिसरात मंगळवारी (दि. १) सकाळी ११ वाजेच्या सुमारास घडली.
मृताचे नाव कळू शकले नाही. अंदाजे २५ ते ३० वर्षे वयाेगटातील तरुण त्याच्या एमएच- ४० एएस- ९७५० क्रमांकाच्या माेटारसायकलने जात असताना कळमेश्वरहून १४ मैलकडे वेगात जाणाऱ्या सीजी- ०४ जेडी- ८२२५ क्रमांकाच्या ट्रेलरने त्याच्या माेटारसायकलला धडक देत ५० मीटर फरपटत नेले. त्यात त्याच्या शरीरावरून ट्रेलरचे चाक गेल्याने गंभीर जखमी झाला. माहिती मिळताच पाेलिसांनी घटनास्थळ गाठून त्याला लगेच कळमेश्वर शहरातील ग्रामीण रुग्णालयात नेले. तिथे डाॅक्टरांनी तपासणीअंती त्याला मृत घाेषित केले. अपघात हाेताच चालकाने ट्रेलर राेडवर साेडून पळ काढला. त्यामुळे पाेलिसांनी ट्रेलरसह तरुणाची माेटारसायकल ताब्यात घेतली. वृत्त लिहिस्ताे मृताची ओळख पटली नव्हती. याप्रकरणी कळमेश्वर पाेलिसांनी श्याम छंगुलाल गुप्ता (४२, रा. डाेंगरे लेआऊट, एमआयडीसी, कळमेश्वर) यांच्या तक्रारीवरून ट्रेलरचालकाविरुद्ध गुन्हा नाेंदवून तपास सुरू केला आहे.