खापा : अज्ञात कारणावरून राहत्या घरी गळफास लावून तरुणाने आत्महत्या केली. ही घटना खापा शहरातील कुंभारपुरा येथे मंगळवारी दुपारी ३ वाजताच्या सुमारास उघडकीस आली.
निरंजन अशाेक बाेरकर (२३, रा. कुंभारपुरा, खापा) असे मृत तरुणाचे नाव आहे. निरंजनने सकाळी ११ वाजताच्या सुमारास जेवण केल्यानंतर ताे आपल्या खाेलीत आराम करण्यासाठी गेला हाेता. परंतु दुपारी ३ वाजेनंतरही ताे उठला नसल्याने त्याच्या आईने त्याला हाक दिली. मात्र त्याचा कुठलाही प्रतिसाद न मिळाल्याने कुटुंबीयांनी खाेलीचे दार ताेडून पाहिले असता, निरंजनने छताच्या हुकाला दाेरीच्या साहाय्याने गळफास लावून ताे मृतावस्थेत आढळून आला. याबाबत पाेलिसांना सूचना देण्यात आली. घटनेची माहिती मिळताच पाेलिसांनी घटनास्थळ गाठून पंचनामा केला व मृतदेह उत्तरीय तपासणीसाठी सावनेर शासकीय रुग्णालयात पाठविला. याप्रकरणी खापा पाेलिसांनी अकस्मात मृत्यूची नाेंद केली असून, ठाणेदार अजय मानकर यांच्या मार्गदर्शनात पुढील तपास खापा पाेलीस करीत आहेत.