लोकमत न्यूज नेटवर्क
नागपूर : उपराजधानी नागपुरात जेवढी दहशत गुन्हेगारांची नसेल, तेवढी भटक्या श्वानांची आहे. शहरातील एकही चौक आणि रस्ता त्यांच्या दहशतीतून सुटलेला नाही. मागील दीड वर्षात श्वानांनी चावे घेतल्यामुळे तीन हजार ५६५ नागरिक जखमी झाले. दुचाकीच्या मागे धावल्याने झालेल्या जीवघेण्या अपघातांची तर नोंदच नाही. मागील वर्षभरापासून श्वानांची निर्बीजीकरण मोहीम ठप्प आहे. त्यामुळे उपराजधानीतील श्वान बिनधास्त आहेत.
शहरात भटक्या श्वानांचा शहराएवढाच लगतच्या वसाहतींमध्येही उपद्रव वाढत आहे. महानगरपालिकेचे पशुवैद्यकीय अधिकारी डॉ. गजेंद्र महल्ले यांच्या माहितीनुसार नागपूर आणि लगतच्या वसाहतींमध्ये मिळून जवळपास ८० हजार बेवारस श्वान आहेत. अलीकडे गणना न झाल्याने त्यांचा नेमका आकडा मनपाकडे नाही.
...
परिस्थिती हाताबाहेर
महापालिकेचे भटक्या श्वानांच्या संख्येवर आजतरी नियंत्रण नाही. २००६ पासून निर्बीजिकरणाची मोहीम सातत्याने राबवूनही संख्या कमी झालेली नाही. उलट वाढतच आहे. सर्वच श्वानांवर इलाज करणे महापालिकेला शक्य नाही. त्यामुळे यंत्रणाही हतबल आहे. नसबंदीनंतरही श्वानांची संख्या वाढतच आहे, ही खरी डोकेदुखी आहे.
...
दृष्टिक्षेप
३० हजार - २००६ मध्ये नसबंदी सुरू झाली तेव्हाची संख्या
३ हजार ५६५ - मागील दीड वर्षातील श्वानदंश (२०२० मध्ये १,३६९, जून २०२१ पर्यंत - २,१९६)
९,५०४ - दीड वर्षात नागरिकांनी घेतलेल्या अँटी रेबीज लस
८० हजार - आता भटक्या कुत्र्यांची संख्या (अंदाजे संख्या, नेमका आकडा महानगरपालिकेकडे नाही)
...
श्वानदंशाच्या घटना
वर्ष २०२०
रुग्णालय: एप्रिल : सप्टेंबर : ऑक्टोबर : नोव्हेंबर : डिसेंबर : एकूण
इंदीरा गांधी रुग्णालय : ६७ : -: - : - : - : ६७
पाचपावली सूतिका गृह : ३१ : ३ : २० : २५ : ३१ : ११०
सदर रोग निवारा केंद्र : ७७ : -: - : - : १४० : २१७
महाल रोग निदान केंद्र : १२२ : ८८ : २३४ : ४८ : ४२० : ९१२
चकोले दवाखाना : ९: -: -: -: -: ९
आयसोलेशन दवाखाना : ४८ : -: -: - : - : ४८
नंदनवन यूपीएचसी : ६: -: -: -: - : ६
एकूण : ३६० : ९१ : २५४ : ७३ : ५९० : १,३६९
वर्ष २०२१
रुग्णालय: जानेवारी: फेब्रुवारी: मार्च: एप्रिल : मे : जून : एकूण
पाचपावली सूतिका गृह : ३१ : ४४ : ८ : -: - : ३४ : ११७
सदर रोग निवारा केंद्र : १९९ : ७६ : १६१ : ११२ : ११७ : १५४ : ७३९
महाल रोग निदान केंद्र : ३७९ : - : ३१७ : १०३ : १८७ : २७४ : १,२६०
एकूण : ६०९ : १२० : ४८६ : २१५ : ३०४ : ४६७ : २,१९६
...