नागपूर : धंतोली झोन अंतर्गत इंदिरानगर, आनंदनगर येथील अनाधिकृत बांधकामावर कारवाई करण्यात आली. यापूर्वी अनाधिकृतपणे बांधकाम करणाऱ्यांना मनपातर्फे नोटीस देण्यात आली होती. परंतु त्यांच्याकडून प्रतिसाद न मिळाल्याने अनाधिकृत बांधकाम पूर्णपणे हटविण्यात आले. तर हनुमानगर झोन अंतर्गत मानेवाडा चौक ते बेसा रोड दरम्यान अतिक्रमण कारवाई करण्यात आली. रस्त्याच्या दोन्ही बाजूला व फुटपाथवर अवैधरीत्या लावण्यात आलेले ठेले, दुकाने हटविण्यात आले.
लक्ष्मीनगर झोन आणि धरमपेठ झोन अंतर्गत व्हीएनायटी परिसरात अतिक्रमण कारवाई करण्यात आली. रस्त्याच्या दोन्ही बाजूचे रोड व फुटपाथवरील अवैध पद्धतीने लावण्यात आलेले ठेले हटविण्यात आले. नेहरूनगर झोन अंतर्गत न्यू नंदनवन लेआऊट येथे अनाधिकृत बांधकाम कारवाई करण्यात आली. तर रेशीमबाग मैदानापर्यंत रस्त्याच्या दोन्ही बाजूला अतिक्रमण कारवाई करण्यात आली. या कारवाईत २ ट्रक साहित्य जप्त करण्यात आले. ही कारवाई सहा. आयुक्त हरिष राऊत, प्रमोद वानखेडे, प्रवर्तन अधिक्षक संजय कांबळे यांच्या मार्गदर्शनात करण्यात आली.