नागपूर : राज्याच्या सत्तेत मराठा समाजाचे नेहमीच प्राबल्य राहिले आहे. विदर्भात दलित, आदिवासी व ओबीसींची संख्या मोठी आहे. त्यामुळे या समाज घटकांना न्याय द्यायचा असेल तर सामाजिक न्यायाच्या भूमिकेतून वेगळे विदर्भ राज्य आवश्यक आहे. अधिवेशनानंतर आपण काही आमदारांना सोबत घेऊन दिल्लीत काँग्रेस हायकमांडची भेट घेऊ. त्यांना याचे महत्त्व समजावून सांगू आणि वेगळ्या विदर्भासाठी मोहीम सुरू करू, असे काँग्रेसचे विधानसभेतील गटनेते आमदार विजय वडेट्टीवार यांनी ‘लोकमत’शी बोलताना स्पष्ट केले.
हिवाळी अधिवेशनाच्या पार्श्वभूमीवर वडेट्टीवार यांनी शनिवारी ‘लोकमत’ भवनला भेट दिली. त्यावेळी वडेट्टीवार म्हणाले, विदर्भातील कुणीही मुख्यमंत्री झाले तरी विदर्भाच्या विकासासाठी एकतर्फी निधी देऊ शकत नाही. त्यामुळे विदर्भातील संसाधनांच्या बळावर स्वतंत्र राज्य हाच एकमेव मार्ग आहे.
जमीन वाटपाची श्वेतपत्रिका काढा
२०१० ते २०२५ या १५ वर्षांच्या कालावधीत शासकीय, गायरान, वतन, इनाम व निस्ताराच्या जमिनी कुणा कुणाला दिल्या याची श्वेतपत्रिका याच अधिवेशनात सरकारने काढावी, अशी मागणी वडेट्टीवार यांनी केली.
Web Summary : Vijay Wadettiwar advocates for a separate Vidarbha state to ensure justice for marginalized communities. He plans to meet with Congress leaders in Delhi to push for this cause, highlighting the need for equitable resource allocation.
Web Summary : विजय वडेट्टीवार ने हाशिए पर रहने वाले समुदायों के लिए अलग विदर्भ राज्य की वकालत की। उन्होंने समान संसाधन आवंटन की आवश्यकता पर प्रकाश डालते हुए इस कारण को आगे बढ़ाने के लिए दिल्ली में कांग्रेस नेताओं से मिलने की योजना बनाई।