विद्यार्थ्यांचे देशप्रेम व अहिंसेवर सादरीकरण

श्वेतांबर जैन समाजाच्या भगवान महावीर जन्मकल्याणक महोत्सव समिती, पश्चिम नागपूरच्या वतीने मंगळवारी सायंकाळी मुंडले सभागृहात भगवान महावीर यांचा...

भगवान महावीर जन्मकल्याणक सांस्कृतिक कार्यक्रम : पश्चिम नागपूर श्वेतांबर जैन समाजाचे आयोजननागपूर : श्वेतांबर जैन समाजाच्या भगवान महावीर जन्मकल्याणक महोत्सव समिती, पश्चिम नागपूरच्या वतीने मंगळवारी सायंकाळी मुंडले सभागृहात भगवान महावीर यांचा अहिंसा, सत्य, त्याग, तप आदींचा संदेश देणारा सांस्कृतिक कार्यक्रम उत्साहात पार पडला. जैन धर्माच्या विभिन्न शाळेतील विद्यार्थ्यांनी प्रेरणादायी सादरीकरण केले. मुख्य अतिथी म्हणून लोकमत समूहाच्या एडिटोरियल बोर्डाचे चेअरमन व सकल जैन समाजाचे राष्ट्रीय अध्यक्ष खासदार विजय दर्डा, खासदार अजय संचेती, वरिष्ठ तपस्वी घेवरचंद झामड, नवनीतभाई शेठ, निखिल कुसुमगर, मानकचंद सेठिया, रणजितसिंह बघेल, कांतिलाल झामड, रसीलाबेन कुसुमगर, शैलेंद्र मानावत, भावना मानावत, गिरीश पांडव, सुनील मानसिंहका, संजय चोरडिया उपस्थित होते.कार्यक्रमात श्रीमद् राजचंद्र डिव्हाईन ट्रस्ट ‘अर्हत टच’ संस्था, संस्कार शाळा आणि सुमतिनाथ शाळेच्या विद्यार्थ्यांनी विशेष सादरीकरण केले. प्रीती जैन, लवीना अमेसर, सतीश श्रीवास्तव, अनिषा शर्मा आणि अथ तिवारी यांनी भगवान महावीर यांच्या सिद्धातांवर भाषण दिले. कार्यक्रमात जैन समाजाचे युवक, वरिष्ठजन, महिला आणि छोटी मुले मोठ्या संख्येने उपस्थित होते. छोट्या मुलांनी आकर्षक सादरीकरण केले. संचालन धीरज मालू यांनी केले. (प्रतिनिधी)शहीद सैनिकांच्या कुटुंबीयांच्या संघर्षाकडे वेधले लक्षसंस्कार शाळेच्या विद्यार्थ्यांनी सैनिकांच्या वेशात दहशतवाद संपुष्टात आणताना प्राणाची आहुती देण्यावर सादरीकरण केले. सैनिक युद्धात शहीद होतात, पण त्यांच्या कुटुंबीयांना कशाप्रकारे संघर्ष करावा लागतो, यावर प्रभावी सादरीकरण केले. लहानांनी हेलिकॉप्टर उडविणे, बंदूक चालविणे आणि युद्धभूमीत लढाईचे दृश्य साकार केले. त्याला उपस्थितांनी भरपूर दाद दिली. यापूर्वी अर्हत टच संस्थेच्या चमूने भगवान महावीर यांच्या जन्मापासून निर्वाणपर्यंतची झांकी सादर केली. श्वेतांबर जैन समाजाची भगवान महावीर जन्मकल्याणक महोत्सव समिती, पश्चिम नागपूरतर्फे मंगळवारी मुंडले सभागृहात सांस्कृतिक कार्यक्रम उत्साहात पार पडला. यावेळी लोकमत समूहाच्या एडिटोरियल बोर्डाचे चेअरमन व सकल जैन समाजाचे राष्ट्रीय अध्यक्ष खासदार विजय दर्डा, खासदार अजय संचेती, वरिष्ठ तपस्वी घेवरचंद झामड, नवनीतभाई शेठ, निखिल कुसुमगर, मानकचंद सेठिया, रणजितसिंह बघेल, कांतिलाल झामड, रसीलाबेन कुसुमगर, शैलेन्द्र मानावत, भावना मानावत, गिरीश पांडव, सुनील मानसिंहका, संजय चोरडिया उपस्थित होते.